ബാഴ്സലോണ: ഇരട്ട ഗോൾ നേടിയ പോളിഷ് സ്ട്രൈക്കർ റോബർട്ട് ലെവൻഡോവ്സ്കിയും ജർമൻ താരം തോമസ് മ്യൂളറും ചേർന്ന് കാന്പ് നൗവിൽ ബാഴ്സയുടെ കഥകഴിച്ചു.
2019-20 സീസണിലെ 8-2ന്റെ പരാജയ ഭാരം ഇറക്കിവയ്ക്കണമെന്ന മോഹവുമായി സ്വന്തം കാണികൾക്കു മുന്നിലിറങ്ങിയ ബാഴ്സയെ കാത്തിരുന്നതു മറ്റൊരു തോൽവിയായിരുന്നു. മറുപടിയില്ലാത്ത മൂന്ന് ഗോളിനായിരുന്നു ബയേണിന്റെ ജയം.
34-ാം മിനിറ്റിൽ തോമസ് മ്യൂളറിലൂടെ മുന്നിലെത്തിയ ബയേണിനായി 56, 85 മിനിറ്റുകളിൽ ലെവൻഡോവ്സ്കിയും ലക്ഷ്യംകണ്ടു. യൂറോപ്യൻ പോരാട്ട ചരിത്രത്തിൽ ഹോം ഗ്രൗണ്ടിൽ ബാഴ്സലോണ തുടർച്ചയായി മൂന്നു മത്സരങ്ങളിൽ പരാജയപ്പെടുന്നത് ഇതാദ്യമാണ്. 1997-98ൽ ന്യൂകാസിൽ യുണൈറ്റഡിനോട് 3-2നു പരാജയപ്പെട്ടശേഷം ചാന്പ്യൻസ് ലീഗ് സീസണ് തോൽവിയോടെ ബാഴ്സ ആരംഭിക്കുന്നതും ആദ്യം.
ലെവൻ ഡബിൾ...
11:48 PM Sep 15, 2021 | Deepika.com