ബാഴ്സലോണ: യുവേഫ ചാന്പ്യൻസ് ലീഗ് ഫുട്ബോൾ ഗ്രൂപ്പ് മത്സരങ്ങൾക്ക് ഇന്ന് കേളികൊട്ടുയരും. ഇ,എഫ്, ജി, എച്ച് ഗ്രൂപ്പുകളിലെ മത്സരങ്ങളാണ് ഇന്നു നടക്കുക. ഗ്രൂപ്പ് ഇയിലെ ശക്തരായ ബാഴ്സലോണ-ബയേണ് മ്യൂണിക് പോരാട്ടമാണ് ഏറ്റവും ശ്രദ്ധേയം.
അവസാനമായി ഇരുടീമും ഏറ്റുമുട്ടിയപ്പോൾ (2019-20ലെ ചാന്പ്യൻസ് ലീഗ് ക്വാർട്ടർ ഫൈനൽ) ബയേണ്, ബാഴ്സലോണയെ 8-2നു നാണംകെടുത്തിയിരുന്നു. അന്ന് ബാഴ്സ നിരയിലുണ്ടായിരുന്ന ലയണൽ മെസി, ലൂയിസ് സുവാരസ്, ആർതുറോ വിദാൽ എന്നിവർ ഇന്ന് ക്ലബ്ബിലില്ല.
ഗ്രൂപ്പ് എഫിൽ ക്രിസ്റ്റ്യാനോ റൊണാൾഡോ എത്തിയശേഷം കൂടുതൽ കരുത്തരായ മാഞ്ചസ്റ്റർ യുണൈറ്റഡ് യംഗ് ബോയ്സുമായി ഏറ്റുമുട്ടും. നിലവിലെ ചാന്പ്യന്മാരായ ചെൽസി ഗ്രൂപ്പ് എച്ചിൽ സ്വന്തം ഗ്രൗണ്ടിൽ സെനിറ്റിനെ നേരിടും.
ബാഴ്സ x ബയേൺ
11:33 PM Sep 13, 2021 | Deepika.com