മ്യൂണിക്: ലോക ഫുട്ബോളിൽ നിലവിൽ മധ്യനിരയിലെ മാന്ത്രികരിലൊരാളായ ജർമനിയുടെ ടോണി ക്രൂസ് രാജ്യാന്തര ഫുട്ബോളിൽനിന്നു വിരമിച്ചു. വിരമിക്കൽ ഇന്നലെയാണ് ക്രൂസ് പ്രഖ്യാപിച്ചത്. യൂറോ 2020 ചാന്പ്യൻഷിപ്പിൽ പ്രീക്വാർട്ടറിൽ ഇംഗ്ലണ്ടിനോട് 2-0ന് പരാജയപ്പെട്ടതായിരുന്നു ജർമനിക്കായുള്ള ക്രൂസിന്റെ അവസാന മത്സരം.
മുപ്പത്തൊന്നുകാരനായ ക്രൂസ് 106 മത്സരങ്ങളിൽ ജർമൻ ജഴ്സി അണിഞ്ഞു, 17 ഗോൾ നേടി. 2010ൽ ജോവാക്വിം ലോയുടെ കീഴിലായിരുന്നു രാജ്യാന്തര അരങ്ങേറ്റം. 2014 ലോകകപ്പ് ജയത്തിൽ ജർമൻ ടീമിന്റെ നിർണായക സാന്നിധ്യമായിരുന്നു.
ഇനിയില്ല, ക്രൂസ് മിസൈൽ
01:28 AM Jul 03, 2021 | Deepika.com