ഒസാസുന: സ്പാനിഷ് ലാ ലിഗ ഫുട്ബോളിൽ ബാഴ്സലോണയ്ക്ക് എവേ പോരാട്ടത്തിൽ ജയം. ലീഗിൽ തുടർച്ചയായ മൂന്നാം ജയമാണു ബാഴ്സ സ്വന്തമാക്കുന്നത്. ഒസാസുനയ്ക്കെതിരേ അവരുടെ തട്ടകത്തിൽവച്ച് 2-0നായിരുന്നു കാറ്റലോണിയൻ സംഘത്തിന്റെ ജയം. രണ്ടു ഗോളിനും വഴിയൊരുക്കിയതു ലയണൽ മെസിയായിരുന്നു.
30-ാം മിനിറ്റിൽ ജോർഡി ആൽബയും 83-ാം മിനിറ്റിൽ ഇലയ്ഷ് മൊറിബയും ബാഴ്സയ്ക്കായി വലകുലുക്കി. പതിനെട്ടുകാരനായ ഇലയ്ഷിന്റെ കന്നി ഗോളാണിത്. ബോക്സിനു പുറത്തുനിന്ന് ഉജ്വലമായൊരു കർവ് ഷോട്ടിലൂടെയായിരുന്നു രണ്ടാം പോഗ്ബ എന്നു വിശേഷിപ്പിക്കപ്പെടുന്ന ഇലയ്ഷിന്റെ ഗോൾ.
മറ്റു മത്സരങ്ങളിൽ വയ്യഡോലിഡ് 2-1ന് ഗെറ്റാഫയെയും എൽചെ അതേ ഗോൾ വ്യത്യാസത്തിൽ സെവിയ്യയെയും കീഴടക്കി. ലീഗിൽ 56 പോയിന്റുമായി ബാഴ്സലോണ രണ്ടാം സ്ഥാനത്ത് തുടരുന്നു. 58 പോയിന്റുള്ള അത്ലറ്റിക്കോ മാഡ്രിഡ് ആണ് ഒന്നാമത്.
ബാഴ്സ മിന്നിച്ചു
12:32 AM Mar 08, 2021 | Deepika.com