ദുബായ്: ഐസിസി ടെസ്റ്റ് റാങ്കിംഗിൽ കരിയറിലെ മികച്ച നേട്ടവുമായി ഇന്ത്യൻ ഓപ്പണർ രോഹിത് ശർമ. ആറു സ്ഥാനങ്ങൾ മുന്നോട്ടുകയറി രോഹിത് എട്ടാം സ്ഥാനത്താണ്. ഇംഗ്ലണ്ടിനെതിരായ ടെസ്റ്റ് പരന്പരയിലെ മികച്ച പ്രകടനമാണു രോഹിത്തിനു നേട്ടമായത്.
ന്യൂസിലൻഡ് ക്യാപ്റ്റൻ കെയ്ൻ വില്യംസനാണ് (919 പോയിന്റ്) ഒന്നാം സ്ഥാനത്ത്. സ്റ്റീവ് സ്മിത്ത് (891), മാർനസ് ലബുഷെയ്ൻ (878), ജോ റൂട്ട് (853), വിരാട് കോഹ്ലി (836) എന്നിവരാണ് യഥാക്രമം ആദ്യ അഞ്ച് സ്ഥാനങ്ങളിൽ. ചേതേശ്വർ പൂജാര ഒന്പതിൽനിന്ന് 10-ാം സ്ഥാനത്തേക്ക് വീണു.
ബൗളർമാരുടെ റാങ്കിംഗിൽ നാല് സ്ഥാനങ്ങൾ മുന്നോട്ടു കയറി ആർ. അശ്വിൻ മൂന്നാം സ്ഥാനത്തെത്തി. ആദ്യ 10 സ്ഥാനത്തുള്ള ഒരേയൊരു സ്പിന്നർ അശ്വിനാണ്.
ജസ്പ്രീത് ബുംറ ഒരു സ്ഥാനം പിന്നോട്ടിറങ്ങി ഒന്പതിലായി.
രോഹിത്തിനും അശ്വിനും റാങ്കിൽ മുന്നേറ്റം
12:07 AM Mar 01, 2021 | Deepika.com