ബ്രിസ്ബെയ്ൻ: ഇന്ത്യക്കെതിരായ മൂന്നാം ക്രിക്കറ്റ് ടെസ്റ്റിനിടെ തന്റെ ഭാഗത്തുനിന്നുമുണ്ടായ മോശം പെരുമാറ്റത്തിൽ ക്ഷമ ചോദിച്ച് ഓസ്ട്രേലിയൻ ക്യാപ്റ്റൻ ടിം പെയ്ൻ. മത്സരത്തിലുടനീളം തന്റെ മൂഡ് ശരിയായിരുന്നില്ലെന്നും ക്യാപ്റ്റനെന്ന നിലയിൽ ഒരു മോശം മത്സരമായിരുന്നെന്നും പെയ്ൻ പറഞ്ഞു. സിഡ്നി ടെസ്റ്റിന്റെ അഞ്ചാം ദിനം ഇന്ത്യ സമനിലയ്ക്കായി പൊരുതവേ അശ്വിനെതിരേ പെയ്ൻ മോശം വാക്കുകൾ പ്രയോഗിച്ചത് സ്റ്റംപ് മൈക്ക് ഒപ്പിയെടുത്തിരുന്നു.
ഡിആർഎസ് തീരുമാനം എതിരായതിനെത്തുടർന്ന് അന്പയറോടു മോശമായി പെരുമാറിയ പെയ്നിനു മാച്ച് ഫീയുടെ 15 ശതമാനം പിഴ ലഭിച്ചിരുന്നു.
അഞ്ചാം ദിനം ആദ്യസെഷനിലെ ഡ്രിംഗ്സ് ബ്രേക്കിനിടെ സ്മിത്ത് ക്രീസിൽ ബാറ്റ്സ്മാന്റെ ഗാർഡ് അടയാളം മായ്ച്ചുകളഞ്ഞെന്ന ആരോപണം പെയ്ൻ തള്ളി. അത്തരമൊരു സാഹചര്യമുണ്ടായിരുന്നേൽ ഇന്ത്യൻ ടീം പരാതിപ്പെടുമായിരുന്നു എന്നും പെയ്ൻ കൂട്ടിച്ചേർത്തു. ഗാർഡ് മായ്ക്കുന്ന ദൃശ്യം സ്റ്റംപ് കാമറയിൽ പതിഞ്ഞിരുന്നു.
എല്ലാം എന്റെ പിഴ: ടിം പെയ്ൻ
11:37 PM Jan 12, 2021 | Deepika.com