അബുദാബി: അബുദാബി ഓപ്പൺ ടെന്നീസ് വനിതാ സിംഗിൾസിൽ രണ്ടാം സീഡായ യുക്രെയ്നിന്റെ എലിന സ്വിറ്റോളിന മൂന്നാം റൗണ്ടിൽ. റഷ്യയുടെ വേര സ്വവനരേവയെയാണ് സ്വിറ്റോളിന രണ്ടാം റൗണ്ടിൽ കീഴടക്കിയത്. സ്കോർ: 6-4, 6-1. ഒന്നാം സീഡ് അമേരിക്കയുടെ സോഫിയ കെനിനും മൂന്നാം റൗണ്ടിൽ കടന്നിട്ടുണ്ട്.
അതേസമയം, മൂന്നാം സീഡായ ചെക് താരം കരോളിന പ്ലീഷ്കോവ രണ്ടാം റൗണ്ടിൽ യോഗ്യതാ റൗണ്ട് കടന്നെത്തിയ റഷ്യൻ താരം അനസ്തഷ്യ ഗസനോവയോട് പരാജയപ്പെട്ട് പുറത്തായി, 6-2, 6-4.
സ്വിറ്റോളിന മൂന്നാം റൗണ്ടിൽ, പ്ലീഷ്കോവ പുറത്ത്
12:03 AM Jan 10, 2021 | Deepika.com