ടൂറിൻ: ഇറ്റാലിയൻ സീരി എ ഫുട്ബോൾ വന്പന്മാരായ യുവന്റസിന്റെ സൂപ്പർ താരം ക്രിസ്റ്റ്യാനൊ റൊണാൾഡോയുടെ രണ്ടാം കോവിഡ് പരിശോധനാഫലവും പോസിറ്റീവ് തന്നെ. ഇതോടെ ലയണൽ മെസി x റൊണാൾഡോ സൂപ്പർ പോരാട്ടം ഫുട്ബോൾ ആരാധകർക്ക് നഷ്ടമാകും. ചാന്പ്യൻസ് ലീഗിൽ അടുത്ത ആഴ്ച ബാഴ്സലോണയും യുവന്റസും ഏറ്റുമുട്ടുന്നുണ്ട്.
കോവിഡ് നെഗറ്റീവ് ആകാത്തതിനെത്തുടർന്ന് യുവന്റസ് ടീമിൽ റൊണാൾഡോ ഉണ്ടാകില്ലെന്നാണ് ഇറ്റാലിയൻ മാധ്യമങ്ങൾ റിപ്പോർട്ട് ചെയ്യുന്നത്. മെസി x റൊണാൾഡോ പോരാട്ടത്തിനായി ആരാധകർ യുവെ x ബാഴ്സ രണ്ടാം പാദപോരാട്ടംവരെ കാത്തിരിക്കണമെന്നും ചുരുക്കം.
അതേസമയം, രണ്ടാം പരിശോധനയിലും കോവിഡ് മുക്തനല്ലാത്ത റൊണാൾഡോ, വേഗത്തിൽ സുഖംപ്രാപിക്കട്ടെയെന്ന് ആശംസിച്ച് മെസി. എത്രയും വേഗത്തിൽ റൊണാൾഡോ മൈതാനത്ത് തിരിച്ചെത്തട്ടേയെന്നും മെസി ആശംസിച്ചു.
മെസി x റൊണാൾഡോ ഇല്ല
11:36 PM Oct 23, 2020 | Deepika.com