ചെന്നൈ: മദ്രാസ് ഹൈക്കോടതിയിലെ മൂന്നു ജഡ്ജിമാർക്ക് ഇന്നലെ കോവിഡ് സ്ഥിരീകരിച്ചു. ഇതേത്തുടർന്ന് ഈ മാസം 30 വരെ ഹൈക്കോടതി അടച്ചിടും. ജഡ്ജിമാർ ചെന്നൈയിലെ സ്വകാര്യ ആശുപത്രിയിൽ ചികിത്സയിലാണ്. തെരഞ്ഞെടുത്ത കേസുകളിൽ തീർപ്പുകൽപ്പിക്കാൻ ജഡ്ജിമാർ വീഡിയോ കോൺഫറൻസിംഗിലൂടെ വീടുകളി ലിരുന്നു വാദം കേൾക്കും. രണ്ടു ഡിവിഷൻ ബെഞ്ചും മൂന്നു സിംഗിൾ ബെഞ്ചുമാണ് ഇത്തര ത്തിൽ പ്രവർത്തിക്കുക.