ന്യൂഡൽഹി: അതിർത്തിയിലെ സംഘർഷത്തിന്റെ പശ്ചാത്തലത്തിൽ, ചൈനീസ് പട്ടാളക്കാർ ഇന്ത്യൻ അതിർത്തിയിലേക്ക് കടന്നോ എന്നു സർക്കാർ വ്യക്തമാക്കണമെന്ന് കോൺഗ്രസ് നേതാവ് രാഹുൽ ഗാന്ധി.
കിഴക്കൻ ലഡാക്കിലേക്ക് വലിയൊരു സംഘം ചൈനീസ് ഭടന്മാർ നീങ്ങിയെന്നും ഏതു സാഹചര്യത്തെയും നേരിടാനുള്ള നടപടികൾ ഇന്ത്യ സ്വീകരിച്ചിട്ടുണ്ടെന്നും പ്രതിരോധമന്ത്രി രാജ്നാഥ് സിംഗ് ചൊവ്വാഴ്ച പറഞ്ഞിരുന്നു. ഇതേത്തുടർന്നാണ് ട്വിറ്ററിലൂടെയുള്ള രാഹുലിന്റെ പ്രതികരണം. അതിർത്തിയിൽ എന്താണു സംഭവിക്കുന്നതെന്നു സർക്കാർ വ്യക്തമാക്കണമെന്നും രാഹുൽ ആവശ്യപ്പെട്ടു.
കിഴക്കൻ ലഡാക്കിലേക്ക് വലിയൊരു സംഘം ചൈനീസ് ഭടന്മാർ നീങ്ങിയെന്നും ഏതു സാഹചര്യത്തെയും നേരിടാനുള്ള നടപടികൾ ഇന്ത്യ സ്വീകരിച്ചിട്ടുണ്ടെന്നും പ്രതിരോധമന്ത്രി രാജ്നാഥ് സിംഗ് ചൊവ്വാഴ്ച പറഞ്ഞിരുന്നു. ഇതേത്തുടർന്നാണ് ട്വിറ്ററിലൂടെയുള്ള രാഹുലിന്റെ പ്രതികരണം. അതിർത്തിയിൽ എന്താണു സംഭവിക്കുന്നതെന്നു സർക്കാർ വ്യക്തമാക്കണമെന്നും രാഹുൽ ആവശ്യപ്പെട്ടു.