ന്യൂഡൽഹി: ഇന്ത്യ എന്ന പേര് മാറ്റി ഭാരത് എന്നാക്കണമെന്ന് ആവശ്യപ്പെട്ടുള്ള ഹർജിയിൽ ഇടപെടാൻ സുപ്രീംകോടതി വിസമ്മതിച്ചു. ഭാരത് എന്ന പേര് ഭരണഘടനയുടെ ഒന്നാം അനുച്ഛേദത്തിലുണ്ടെന്നു ചൂണ്ടിക്കാട്ടിയ കോടതി, ഇക്കാര്യത്തിൽ എന്തെങ്കിലും നിർദേശം നൽകാനാവില്ലെന്നും അറിയിച്ചു. അതേസമയം, ഹർജിയിലെ ആവശ്യം ഒരു നിവേദനമായി ബന്ധപ്പെട്ട മന്ത്രാലയത്തിനു സമർപ്പിക്കാമെന്നു ഹർജിക്കാരനോടു നിർദേശിച്ച ചീഫ് ജസ്റ്റീസ് എസ്.എ. ബോബ്ഡെ അധ്യക്ഷനായ ബെഞ്ച്, കേന്ദ്ര സർക്കാരിനോടു നിവേദനം വേണ്ട രീതിയിൽ പരിഗണിക്കാനും നിർദേശിച്ചു.