മുംബൈ: തിങ്കളാഴ്ച കോവിഡ് ബാധിച്ച് മരിച്ച പ്രമുഖ സംഗീത സംവിധായകൻ വാജിദ് ഖാന്റെ അമ്മ റസീന ഖാന് കോവിഡ് സ്ഥിരീകരിച്ചു. ഇവരെ ചെന്പൂരിലെ സുരാന ആശുപത്രിയിൽ പ്രവേശിപ്പിച്ചു. വാജിദ് ഖാനും ഈ ആശുപത്രിയിലായിരുന്നു ചികിത്സ തേടിയിരുന്നത്. കോവിഡ് സ്ഥിരീകരിച്ചതിനു പിന്നാലെ ഹൃദയാഘാതത്തെത്തുടർന്നായിരുന്നു വാജിദിന്റെ അന്ത്യം. ഇദ്ദേഹവും സഹോദരൻ സാജിദും ചേർന്ന സാജിദ്-വാജിദ് ബോളിവുഡിലെ പ്രശസ്ത സംഗീത സംവിധായക ജോഡിയായിരുന്നു.