ട്വന്റി-20 ലോകകപ്പ് തീരുമാനം ജൂണിൽ
11:29 PM May 28, 2020 | Deepika.com
ദുബായ്: ഓസ്ട്രേലിയയിൽ ഒക്ടോബർ-നവംബർ മാസങ്ങളിലായി അരങ്ങേറേണ്ട ഐസിസി ട്വന്റി-20 ലോകകപ്പ് സംബന്ധിച്ച തീരുമാനം ജൂണ് 10ലേക്ക് നീട്ടി. കൊറോണ വൈറസ് രോഗവ്യാപനത്തിന്റെ പശ്ചാത്തലത്തിൽ ലോകകപ്പ് നീട്ടിവയ്ക്കുമെന്നും സെപ്റ്റംബർ-ഒക്ടോബറിൽ ഐപിഎൽ നടത്തുമെന്നും റിപ്പോർട്ടുണ്ടായിരുന്നു. എന്നാൽ, ഇന്നലെ നടന്ന ഐസിസി ബോർഡ് യോഗത്തിൽ ഇതു സംബന്ധിച്ചുള്ള തീരുമാനം ജൂണ് പത്തിലേക്ക് നീട്ടുകയായിരുന്നു. ജൂണ് 10നു നടക്കുന്ന യോഗത്തിൽ ലോകകപ്പിന്റെ ഭാവി തീരുമാനം ഉണ്ടാകുമെന്ന് ഐസിസി അറിയിച്ചു.