മ്യൂണിക്ക്: ജർമൻ ബുണ്ടസ് ലിഗ ഫുട്ബോളിൽ കൊറോണ വൈറസ് ലോക്ക് ഡൗണിനുശേഷമുള്ള സൂപ്പർ പോരാട്ടം ഇന്ന്. ലീഗ് ചാന്പ്യന്മാരായ ബയേണ് മ്യൂണിക്ക് നിലവിൽ പോയിന്റ് പട്ടികയിൽ രണ്ടാം സ്ഥാനത്തുള്ള ബൊറൂസിയ ഡോർട്ട്മുണ്ടിനെ ഇന്ന് എവേ പോരാട്ടത്തിൽ നേരിടും. ഇന്ത്യൻ സമയം രാത്രി 10.00നാണ് മത്സരം. ലീഗിൽ 27 മത്സരങ്ങൾ പൂർത്തിയായപ്പോൾ 61 പോയിന്റുമായി ബയേണ് ഒന്നാമതും 57 പോയിന്റുമായി ഡോർട്ട്മുണ്ട് രണ്ടാമതുമാണ്.
ശനിയാഴ്ച നടന്ന മത്സരത്തിൽ ബയേണ് സ്വന്തം തട്ടകത്തിൽവച്ച് 5-2ന് എൻട്രാക്റ്റ് ഫ്രാങ്ക്ഫർട്ടിനെ തകർത്തിരുന്നു. ഡോർട്ട്മുണ്ട് 2-0ന് വൂൾഫ്സ്ബർഗിനെയും കീഴടക്കി. ഞായറാഴ്ച ലൈപ്സിഗ് 5-0ന് മെയ്ന്റ്സിനെയും ഓഗ്സ്ബർഗ് 3-0ന് ഷാൽകെയെയും കീഴടക്കി. എഫ്സി കൊളോണും ഡുസൽഡോർഫും 2-2 സമനിലയിൽ പിരിഞ്ഞു. ലൈപ്സിഗിനായി യുവതാരം ടിമൊ വെർണർ ഹാട്രിക്ക് നേടി. 11, 48, 75 മിനിറ്റുകളിലായിരുന്നു വെർണറുടെ ഗോളുകൾ.
സൂപ്പർ പോര്; ബയേൺ x ഡോർട്ട്മുണ്ട്
12:31 AM May 26, 2020 | Deepika.com