ന്യൂഡൽഹി: കൊറോണ വൈറസ് രോഗവ്യാപനത്തിന്റെ പശ്ചാത്തലത്തിൽ കായിക ലോകം സ്തംഭിച്ചിരിക്കെ താരങ്ങളെല്ലാം സമൂഹമാധ്യമങ്ങളിൽ രസകരമായ വീഡിയോയും മറ്റും പങ്കുവയ്ക്കുന്നതിലാണ് ശ്രദ്ധ ചെലുത്തിയിരിക്കുന്നത്. ഓസ്ട്രേലിയൻ ക്രിക്കറ്റ് ടീമിന്‍റെ ഓപ്പണിംഗ് ബാറ്റ്സ്മാനായ ഡേവിഡ് വാർണറിന്‍റെ ടിക് ടോക് വീഡിയോകൾ ഇതിനോടകം തരംഗമായിക്കഴിഞ്ഞു. ജൂണിയർ എൻടിആറിന്‍റെ ജന്മദിനമായ ഇന്നലെ അദ്ദേഹത്തിന് ആശംസനേർന്ന് വാർണറും ഭാര്യയും ജനതഗാരേജ് എന്ന സിനിമയിലെ ഗാനത്തിനു ചുവടുവച്ചിരുന്നു.
വാർണറിന്‍റെ ചുവടുപിടിച്ച് വിരാട് കോഹ്ലിയും കോമഡിയുമായി രംഗപ്രവേശനം ചെയ്തു. ദിനോസറിനെ കോമിക് രീതിയിൽ അനുകരിക്കുന്ന കോഹ്ലിയുടെ ദൃശ്യമാണ് സമൂഹമാധ്യമങ്ങളിൽ തരംഗമായത്. ഈ വീഡിയോ പങ്കുവച്ചത് കോഹ്ലിയുടെ ഭാര്യയും ബോളിവുഡ് നടിയുമായ അനുഷ്കയാണ്. ദിനോസറിനെപ്പോലെ ശബ്ദമുണ്ടാക്കിയാണ് കോഹ്ലിയുടെ നടത്തം. കിറുക്കനായ ഒരു ദിനോസർ മുന്നിൽപ്പെട്ടു എന്നായിരുന്നു വീഡിയോയ്ക്ക് അനുഷ്ക നല്കിയ രസകരമായ അടിക്കുറിപ്പ്.
ദിനോസർ സ്റ്റൈൽ കോഹ്ലി
12:00 AM May 21, 2020 | Deepika.com