സൂറിച്ച്: കൊറോണ വൈറസ് രോഗബാധയുടെ പശ്ചാത്തലത്തിൽ ഫുട്ബോൾ ലീഗ് സീസണുകൾ സംബന്ധിച്ച് ഫിഫ പുതിയ പദ്ധതി രൂപീകരിക്കുന്നതായി സൂചന. 2019-20 സീസണ്‍ ഇതുവരെ പൂർത്തിയാക്കാൻ സാധിക്കാത്ത സാഹചര്യത്തിൽ ഈ സീസണ്‍ അനിശ്ചിതകാലത്തേക്ക് നീട്ടാൻ ഫിഫ തീരുമാനം കൈക്കൊള്ളുമെന്നാണ് റിപ്പോർട്ട്. കൊറോണയുടെ പശ്ചാത്തലത്തിൽ ഓരോ രാജ്യത്തെയും സീസണുകൾ അവസാനിപ്പിക്കേണ്ടത് എപ്പോഴാണെന്ന് അതത് ദേശീയ ഫുട്ബോൾ സംഘടനകൾക്ക് തീരുമാനിക്കാമെന്നതാകും ഫിഫയുടെ നിർണായക തീരുമാനം.
വേനൽക്കാല ട്രാൻസ്ഫർ ജാലകം നീട്ടുക, ജൂണ്‍ 30നു കരാർ അവസാനിക്കുന്ന കളിക്കാരുടെ കരാർ കാലാവധി നീട്ടുക എന്നിവയും ഫിഫയുടെ പരിഗണനയിലുണ്ട്. അടുത്ത രണ്ട് ദിവസത്തിനുള്ളിൽ ഇതുസംബന്ധിച്ച ഒൗദ്യോഗിക പ്രഖ്യാപനം ഉണ്ടാകുമെന്നാണ് റിപ്പോർട്ട്.
പുതിയ പദ്ധതിയുമായി ഫിഫ
12:09 AM Apr 07, 2020 | Deepika.com