പാക്കിസ്ഥാനിലേക്കില്ല
12:08 AM Jan 19, 2020 | Deepika.com
ബംഗ്ലാദേശ് ക്രിക്കറ്റ് ടീമിന്റെ പാക് പര്യടത്തിന് വിക്കറ്റ് കീപ്പർ ബാറ്റ്സ്മാൻ മുഷ്ഫിക്കർ റഹീം ഇല്ല. പരന്പരയ്ക്കായി പാക്കിസ്ഥാനിലേക്കില്ലെന്ന് മുഷ്ഫിക്കർ തീരുമാനമെടുത്തതോടെയാണിത്. പാക്കിസ്ഥാനിലേക്ക് പോകില്ലെന്ന് മുന്പുതന്നെ വ്യക്തമാക്കിയതാണ്. ബോർഡിനെ അറിയിച്ചിട്ടുമുണ്ട്. എന്റെ കുടുംബത്തിന് ആശങ്കയുണ്ട്. ഞാൻ പോകരുത് എന്നാണ് അവർ ആഗ്രഹിക്കുന്നത്- മുഷ്ഫിക്കർ പറഞ്ഞു. ഈ മാസം 24 മുതലാണ് ബംഗ്ലാദേശിന്റെ പാക് പര്യടനം. മൂന്ന് ട്വന്റി-20യും രണ്ട് ടെസ്റ്റും ഒരു ഏകദിനവുമാണ് പരന്പരയിലുള്ളത്. ഇന്നലെ പ്രഖ്യാപിച്ച ട്വന്റി-20 ടീമിൽ തമിം ഇക്ബാലും റുബേൽ ഹുസൈനും ഉൾപ്പെട്ടു. മുഷ്ഫിക്കറിനെ പരിഗണിച്ചില്ല.