പാർമ: കോപ്പ ഇറ്റാലിയ ഫുട്ബോളിന്റെ ക്വാർട്ടർ ലൈനപ്പ് വ്യക്തമായി. കരുത്തരായ യുവന്‍റസും എഎസ് റോമയുമാണ് ക്വാർട്ടർ പോരാട്ടങ്ങളിലൊന്നിൽ ഏറ്റുമുട്ടുക. പാർമയെ 2-0നു കീഴടക്കിയാണ് റോമ ക്വാർട്ടറിൽ കടന്നത്. ലോറെൻസോ പെല്ലെഗ്രിനിയുടെ (49, 76 -പെനൽറ്റി) ഇരട്ട ഗോളാണ് റോമയ്ക്ക് ജയമൊരുക്കിയത്. ഉഡിനസിനെ 4-0നു കീഴടക്കിയാണ് യുവന്‍റസ് ക്വാർട്ടറിൽ കടന്നത്.
മറ്റ് ക്വാർട്ടർ പോരാട്ടങ്ങളിൽ നാപ്പോളി ലാസിയോയെയും മിലാൻ ടുറിനൊയെയും ഇന്‍റർ മിലാൻ ഫിയോറെന്റീനയെയും നേരിടും.
യുവന്‍റസ് x റോമ ക്വാർട്ടർ
11:57 PM Jan 17, 2020 | Deepika.com