ജർമൻ ബുണ്ടസ് ലിഗ ഫുട്ബോളിൽ ഫിലിപ്പെ കുടീഞ്ഞോയുടെ ഹാട്രിക്കിന്റെ കരുത്തിൽ ബയേണ് മ്യൂണിക്കിനു ജയം. ഒന്നിനെതിരേ ആറ് ഗോളുകൾക്ക് വെർഡർ ബെർമനെയാണ് ബയേണ് കീഴടക്കിയത്. 45, 63, 78 മിനിറ്റുകളിലായിരുന്നു ബ്രസീൽ താരം ഗോൾ നേടിയത്.
റോബർട്ട് ലെവൻഡോവ്സ്കി (45+4, 72), തോമസ് മ്യൂളർ (75) എന്നിവരും ബയേണിനായി ലക്ഷ്യംകണ്ടു. ലീഗിൽ 15 മത്സരങ്ങളിൽനിന്ന് 27 പോയിന്റുമായി ബയേണ് നാലാം സ്ഥാനത്താണ്. ലീപ്സിംഗ് (33), മോണ്ചെൻഗ്ലാഡ്ബാഷ് (31) എന്നിവയാണ് ആദ്യ രണ്ട് സ്ഥാനങ്ങളിൽ.
കുടീഞ്ഞോ ട്രിക്കിൽ ബയേണ്
12:29 AM Dec 16, 2019 | Deepika.com