ഇന്ത്യക്ക് ഇരട്ട സ്വർണം
12:02 AM Dec 11, 2019 | Deepika.com
കാഠ്മണ്ഡു (നേപ്പാൾ): 13-ാമത് സൗത്ത് ഏഷ്യൻ ഗെയിംസ് ബാസ്കറ്റ്ബോൾ ഫൈവ് ഓണ് ഫൈവ് പോരാട്ടത്തിലും ഇന്ത്യക്ക് ഇരട്ട സ്വർണം. ഇതോടെ ബാസ്കറ്റ്ബോൾ കോർട്ടിൽനിന്ന് ഇന്ത്യ നാല് സ്വർണം സ്വന്തമാക്കി. നേരത്തേ ത്രീ ഓണ് ത്രീയിലും ഇന്ത്യ പുരുഷ-വനിതാ വിഭാഗത്തിൽ സ്വർണം നേടിയിരുന്നു. ഫൈവ് ഓണ് ഫൈവ് പുരുഷ ഫൈനലിൽ ശ്രീലങ്കയെയാണ് ഇന്ത്യ കീഴടക്കിയത്. സ്കോർ: 101-62. വനിതാ ഫൈനലിൽ നേപ്പാളിനെയാണ് ഇന്ത്യ കീഴടക്കിയത്. സ്കോർ: 127-46. ഇന്ത്യക്കായി ക്യാപ്റ്റൻ പി.എസ്. ജീന 23 പോയിന്റ് നേടി.