മെക്സിക്കോസിറ്റി: പുസ്തകം മോഷ്ടിക്കാൻ ശ്രമിച്ചെന്ന ആരോപണത്തിന്റെ പേരിൽ അർജന്റീനയിലെ മെക്സിക്കൻ സ്ഥാനപതി ഓസ്കർ റിക്കാർഡോ വലേറോ റെസിയോ ബെസെറായെ തിരിച്ചുവിളിച്ചതായി മെക്സിക്കൻ വിദേശമന്ത്രി മാർസലോ എബ്രാർഡ് അറിയിച്ചു.
ബുവേനോസ് ആരീസിലെ പുസ്തകശാലയിൽനിന്നാണ് കാസനോവയുടെ ജീവചരിത്രം പണംകൊടുക്കാതെ തട്ടിയെടുക്കാൻ സ്ഥാനപതി ശ്രമിച്ചത്. പത്തു ഡോളറാണു പുസ്തകത്തിന്റെ വില. മാർച്ചിലാണ് ഓസ്കർ റിക്കാർഡോ അർജന്റീനയിൽ സ്ഥാനപതിയാവുന്നത്. നേരത്തെ ചിലിയിലെ സ്ഥാനപതിയായിരുന്നു. ബുവേനോസ് ആരീസ് പുസ്തകഡിപ്പോയിലെ മോഷണശ്രമത്തിന്റെ സിസിടിവി ദൃശ്യങ്ങൾ കിട്ടിയിട്ടുണ്ടെന്നും അതു പരിശോധിച്ചശേഷം കുറ്റം തെളിഞ്ഞാൽ സ്ഥാനപതിയെ സസ്പെൻഡ് ചെയ്യുമെന്നും മന്ത്രി പറഞ്ഞു.
ബുവേനോസ് ആരീസിലെ പുസ്തകശാലയിൽനിന്നാണ് കാസനോവയുടെ ജീവചരിത്രം പണംകൊടുക്കാതെ തട്ടിയെടുക്കാൻ സ്ഥാനപതി ശ്രമിച്ചത്. പത്തു ഡോളറാണു പുസ്തകത്തിന്റെ വില. മാർച്ചിലാണ് ഓസ്കർ റിക്കാർഡോ അർജന്റീനയിൽ സ്ഥാനപതിയാവുന്നത്. നേരത്തെ ചിലിയിലെ സ്ഥാനപതിയായിരുന്നു. ബുവേനോസ് ആരീസ് പുസ്തകഡിപ്പോയിലെ മോഷണശ്രമത്തിന്റെ സിസിടിവി ദൃശ്യങ്ങൾ കിട്ടിയിട്ടുണ്ടെന്നും അതു പരിശോധിച്ചശേഷം കുറ്റം തെളിഞ്ഞാൽ സ്ഥാനപതിയെ സസ്പെൻഡ് ചെയ്യുമെന്നും മന്ത്രി പറഞ്ഞു.