സംഗരൂർ (പഞ്ചാബ്): 65-ാമത് ദേശീയ സ്കൂൾ അത്ലറ്റിക്സ് ചാന്പ്യൻഷിപ്പിൽ ഇന്ന് 17 ഫൈനലുകൾ അരങ്ങേറും. മീറ്റിന്റെ ആദ്യ ദിനമായ ഇന്നലെ ഹീറ്റ്സ്, യോഗ്യതാ റൗണ്ട് മത്സരങ്ങളാണ് നടന്നത്. ഇന്ന് രാവിലെ ഒന്പതിന് അണ്ടർ 17 ആണ്കുട്ടികളുടെ 5000 മീറ്റർ റേസ് വാക്കിംഗാണ് മീറ്റിലെ ആദ്യ ഫൈനൽ. തുടർന്ന് അണ്ടർ 14 ആണ്കുട്ടികളുടെ ഷോട്ട് പുട്ട് (നാല് കിലോ) ഫൈനൽ നടക്കും. സബ് ജൂണിയർ വിഭാഗത്തിൽ 14 ആണ്കുട്ടികളും 19 പെണ്കുട്ടികളും ജൂണിയർ വിഭാഗത്തിൽ 34 ആൺകുട്ടികളും 32 പെണ്കുട്ടികളും ഉൾപ്പെടെ 99 അംഗങ്ങളാണ് കേരളത്തിനുള്ളത്.
വേഗതാരങ്ങളെ ഇന്നറിയാം
മീറ്റിലെ വേഗമേറിയ താരങ്ങളെ നിശ്ചയിക്കുന്ന 100 മീറ്റർ പോരാട്ടങ്ങളും ഇന്ന് നടക്കും. സബ് ജൂണിയർ, ജൂണിയർ ആണ്കുട്ടികളുടെയും പെണ്കുട്ടികളുടെയും 100 മീറ്റർ സെമിഫൈനൽ, ഫൈനൽ പോരാട്ടങ്ങൾ ഇന്നാണ്. 400, 1500 മീറ്റർ പോരാട്ടങ്ങളും ഇന്നു നടക്കും.
ദേശീയ സ്കൂൾ അത്ലറ്റിക്സ്: ഇന്ന് 17 ഫൈനൽ
12:10 AM Dec 05, 2019 | Deepika.com