അഡ്‌ലെയ്ഡ്: ഓസ്ട്രേലിയയ്ക്കെതിരായ രണ്ടാം ടെസ്റ്റ് ക്രിക്കറ്റിൽ പാക്കിസ്ഥാന്‍റെ ഒന്നാം ഇന്നിംഗ്സിൽ താരമായത് എട്ടാം നന്പർ ബാറ്റ്സ്മാനായ യാസിർ ഷാ. 113 റണ്‍സുമായി യാസിർ ഷാ ഒറ്റയാനായി ചെറുത്തുനിന്നെങ്കിലും പാക്കിസ്ഥാൻ 302നു പുറത്തായി. ഓസ്ട്രേലിയയുടെ ഒന്നാം ഇന്നിംഗ്സ് സ്കോറായ മൂന്നിന് 589നെതിരേ തുടർന്ന് ഫോളോ ഓണ്‍ ചെയ്ത പാക്കിസ്ഥാൻ മൂന്നാം ദിനം അവസാനിക്കുന്പോൾ രണ്ടാം ഇന്നിംഗ്സിൽ മൂന്ന് വിക്കറ്റ് നഷ്ടത്തിൽ 39 റണ്‍സ് എടുത്തിട്ടുണ്ട്.
2006നുശേഷം എട്ടാം നന്പറിൽ പാക്കിസ്ഥാനായി സെഞ്ചുറി നേടുന്ന ആദ്യ താരമാണ് യാസിർ ഷാ. 14.06 ആയിരുന്നു യാസിർ ഷായുടെ ബാറ്റിംഗ് ശരാശരി. ടെസ്റ്റ് സെഞ്ചുറി ചരിത്രത്തിലെ ഏറ്റവും കുറഞ്ഞ രണ്ടാമത്തെ ശരാശരിയാണിത്. ഓസ്ട്രേലിയയുടെ മിച്ചൽ സ്റ്റാർക്ക് 66 റണ്‍സ് വഴങ്ങി ആറ് വിക്കറ്റ് വീഴ്ത്തി.എട്ടാം നന്പറുകാരൻ ഓസ്ട്രേലിയയ്ക്കെതിരേ സെഞ്ചുറി നേടുന്നത് ഇത് ഏഴാം തവണയാണ്. 2017ൽ ഇന്ത്യയുടെ വൃദ്ധിമാൻ സാഹയാണ് അവസാനമായി ഓസീസിനെതിരേ ഈ നേട്ടം സ്വന്തമാക്കിയത്. 2006ൽ ഇന്ത്യക്കെതിരേ കമ്രാൻ അക്മൽ എട്ടാം നന്പറിലെത്തി സെഞ്ചുറി നേടിയിരുന്നു.
യാസിർ ഷായ്ക്ക് സെഞ്ചുറി
12:58 AM Dec 02, 2019 | Deepika.com