സ്കൂ​ൾ വി​ദ്യാ​ഭ്യാ​സ​വും കേ​ന്ദ്ര​ത്തി​നു കീ​ഴി​ലാക്കി പുതിയ വിദ്യാഭ്യാസ നയത്തിൽ നിർദേശം

ന്യൂ​ഡ​ൽ​ഹി: സ്കൂ​ൾ വി​ദ്യാ​ഭ്യാ​സ​ത്തി​ൽ സം​സ്ഥാ​ന​ങ്ങ​ൾ​ക്കു​ള്ള അ​ധി​കാ​രം ന​ഷ്‌​ട​പ്പെ​ടും. എ​ല്ലാ സ്കൂ​ൾ ബോ​ർ​ഡു​ക​ളും കേ​ന്ദ്ര മാ​ന​വ​ശേ​ഷി വി​ക​സ​ന മ​ന്ത്രി അ​ധ്യ​ക്ഷ​നാ​യു​ള്ള ദേ​ശീ​യ സ​മി​തി​യു​ടെ കീ​ഴി​ലാ​കും. പു​തി​യ ദേ​ശീ​യ വി​ദ്യാ​ഭ്യാ​സ ന​യ(​എ​ൻ​ഇ​പി)​ത്തി​ന്‍റെ ക​ര​ടു​രേ​ഖ​യി​ലാ​ണ് ഈ ​നി​ർ​ദേ​ശം.

ഇ​തു​വ​രെ സം​സ്ഥാ​ന​ങ്ങ​ളു​ടെ വി​ദ്യാ​ഭ്യാ​സ ബോ​ർ​ഡു​ക​ളി​ൽ കേ​ന്ദ്ര​ത്തി​നു നി​യ​ന്ത്ര​ണ​മോ അ​ധി​കാ​ര​മോ ഉ​ണ്ടാ​യി​രു​ന്നി​ല്ല. സം​സ്ഥാ​ന ഗ​വ​ൺ​മെ​ന്‍റു​ക​ളാ​ണു സ്കൂ​ൾ വി​ദ്യാ​ഭ്യാ​സ​കാ​ര്യ​ത്തി​ൽ പൂ​ർ​ണ അ​ധി​കാ​രം കൈ​യാ​ളി​യി​രു​ന്ന​ത്.

മാ​ന​വ​ശേ​ഷി വി​ക​സ​ന മ​ന്ത്രാ​ല​യം എ​ൻ​ഇ​പി​യു​ടെ അ​വ​സാ​ന ക​ര​ടു​രൂ​പം ത​യാ​റാ​ക്കി​യി​ട്ടു​ണ്ട്. ഇ​ത് താ​മ​സി​യാ​തെ കേ​ന്ദ്ര​മ​ന്ത്രി​സ​ഭ​യു​ടെ അം​ഗീ​കാ​ര​ത്തി​നു സ​മ​ർ​പ്പി​ക്കും.

സ്കൂ​ൾ വി​ദ്യാ​ഭ്യാ​സ​ത്തി​നു​ള്ള ദേ​ശീ​യ നി​യ​ന്ത്ര​ണ സം​വി​ധാ​ന​ത്തെ​പ്പ​റ്റി ക​ര​ടു​രേ​ഖ​യി​ൽ പ​റ​യു​ന്ന​ത് ഇ​ങ്ങ​നെ: “രാ​ജ്യ​ത്തെ എ​ല്ലാ അം​ഗീ​കൃ​ത സ്കൂ​ൾ ബോ​ർ​ഡു​ക​ൾ​ക്കു​മാ​യി ഒ​രു ദേ​ശീ​യ നി​യ​ന്ത്ര​ണ സ​മി​തി കേ​ന്ദ്ര വി​ദ്യാ​ഭ്യാ​സ മ​ന്ത്രി​യു​ടെ അ​ധ്യ​ക്ഷ​ത​യി​ൽ ഉ​ണ്ടാ​കും. ഈ ​സ​മി​തി വി​വി​ധ ബോ​ർ​ഡു​ക​ളു​ടെ മൂ​ല്യ​നി​ർ​ണ​യ വി​ല​യി​രു​ത്ത​ൽ രീ​തി​ക​ളും നി​ല​വാ​ര​വും ക്ര​മീ​ക​രി​ക്കു​ക​യും വി​വി​ധ ബോ​ർ​ഡു​ക​ളു​ടെ നി​ല​വാ​ര​വും മൂ​ല്യ​നി​ർ​ണ​യ രീ​തി​ക​ളും 21-ാം നൂ​റ്റാ​ണ്ടി​ന്‍റെ നൈ​പു​ണ്യ ആ​വ​ശ്യ​ങ്ങ​ൾ​ക്ക് ഉ​ത​കു​മെ​ന്ന് ഉ​റ​പ്പു​വ​രു​ത്തു​ക​യും ചെ​യ്യും’’.

പ​രീ​ക്ഷ​ക​ൾ കൂ​ടു​ത​ൽ എ​ളു​പ്പ​മാ​ക്കു​മെ​ന്നും ക​ര​ടു​രേ​ഖ​യി​ൽ പ​റ​യു​ന്നു. “പ​രീ​ക്ഷ​ക​ൾ പ്ര​ധാ​ന​മാ​യും അ​ടി​സ്ഥാ​ന​ശേ​ഷി​യാ​ണ് പ​രീ​ക്ഷി​ക്കു​ക. മാ​സ​ങ്ങ​ൾ നീ​ണ്ട കോ​ച്ചിം​ഗി​ന്‍റയും മ​നഃ​പാ​ഠ​മാ​ക്ക​ലി​ന്‍റെ​യും പ​രീ​ക്ഷ​യ​ല്ല ന​ട​ക്കു​ക. ക്ലാ​സി​ൽ പോ​കു​ക​യും പ്രാ​ഥ​മി​ക​മാ​യ പ​രി​ശ്ര​മം ന​ട​ത്തു​ക​യും ചെ​യ്യു​ന്ന ഏ​തു കു​ട്ടി​ക്കും വ​ലി​യ അ​ധി​ക പ​രി​ശ്ര​മ​മി​ല്ലാ​തെ ഒ​രു വി​ഷ​യം ജ​യി​ക്കാ​നു​ള്ള വി​ധ​മാ​കും പ​രീ​ക്ഷ’’ എ​ന്നാ​ണു ക​ര​ടി​ൽ പ​റ​യു​ന്ന​ത്.

ബ​ഹി​രാ​കാ​ശ ശാ​സ്ത്ര​ജ്ഞ​ൻ ഡോ. ​കെ. ക​സ്തൂ​രി​രം​ഗ​ൻ ചെ​യ​ർ​മാ​നാ​യു​ള്ള സ​മി​തി​യാ​ണ് പു​തി​യ ന​യ​ത്തി​ന്‍റെ ആ​ദ്യ ക​ര​ട് ത​യാ​റാ​ക്കി​യ​ത്. 1986-ൽ ​രൂ​പം കൊ​ടു​ത്ത​തും 92 -ൽ ​പ​രി​ഷ്ക​രി​ച്ച​തു​മാ​യ ന​യ​മാ​ണു നി​ല​വി​ലു​ള്ള​ത്. പു​തി​യ ദേ​ശീ​യ വി​ദ്യാ​ഭ്യാ​സ ന​യ​ത്തി​നു 2014-ലാ​ണു ശ്ര​മം തു​ട​ങ്ങി​യ​ത്.