മിലാന്: സീരി എ ഫുട്ബോളില് യുവന്റസിനെ മറികടന്ന് ഒന്നാം സ്ഥാനത്തെത്താനുള്ള അവസരം ഇന്റര് മിലാന് നഷ്ടമാക്കി. സ്വന്തം സാന് സിറോയില് നടന്ന മത്സരത്തില് ഇന്റര് പാര്മയുമായി 2-2ന്റെ സമനിലയില് പിരിഞ്ഞു.
അന്റോണിയോ കാന്ഡ്രേവയുടെ ഗോളില് ഇന്ററാണ് ആദ്യം മുന്നിലെത്തിയത്. എന്നാല് യാന് കരാമോ, ഗെര്വിഞ്ഞോ എന്നിവരുടെ ഗോളുകള് പാര്മയ്ക്ക് അപ്രതീക്ഷിത ലീഡ് നല്കി. രണ്ടാം പകുതിയില് അധികം കാത്തിരിക്കാതെ റൊമേലു ലുക്കാക്കു ഇന്ററിനു സമനില നല്കി. 2009ല് ഇന്ററിനായി ഡിയേഗോ മിലിറ്റോ ആദ്യ ഒമ്പത് കളിയില് ആറു ഗോള് നേടിയശേഷം ഈ നേട്ടം കൈവരിക്കുന്ന ആദ്യ കളിക്കാനാണ് ലുക്കാക്കു. വിജയ ഗോളിനായി ഇന്റര് ശ്രമം ശക്തമാക്കിയെങ്കിലും വിജയംകൈവരിക്കാനായില്ല.
കഴിഞ്ഞ ദിവസം യുവന്റസിന് സമനിലകൊണ്ടു തൃപ്തിപ്പെടേണ്ടിവന്നിരുന്നു. യുവന്റസിനു 23 പോയിന്റും ഇന്ററിനു 22 പോയിന്റുമാണുള്ളത്.
അവസരം നഷ്ടമാക്കി ഇന്റര്
12:47 AM Oct 28, 2019 | Deepika.com