ടോക്കിയോ: 2020 ടോക്കിയോ ഒളിമ്പിക്സിലെ മാരത്തണ് ഓട്ടം സപ്പോറോയില്നിന്നു മാറ്റാന് ഇന്റര്നാഷണല് ഒളിമ്പിക് കമ്മിറ്റി ഉദ്ദേശിക്കുന്നില്ലെന്ന് ടോക്കിയോ ഒളിമ്പിക്സ് പ്ലാനിംഗിലെ ഉദ്യോഗസ്ഥന് വ്യക്തമാക്കി. ടോക്കിയോയില് ആ സമയത്തുള്ള ചൂട് കാലാവസ്ഥ ഓട്ടക്കാരെ ബാധിക്കുന്നതിനാലാണ് വേദി മാറ്റാന് ഐഒസി തീരുമാനിച്ചത്. മാരത്തണ് രാജ്യ തലസ്ഥാനത്ത് തന്നെ നടത്തണമെന്ന ആവശ്യവുമായി ടോക്കിയോ ഗവര്ണര് ഐഒസിക്ക് അപേക്ഷ നല്കിയിരുന്നു. കഴിഞ്ഞയാഴ്ചയാണ് മാര്ത്തണ് ടോക്കിയോയില്നിന്നുമാറ്റാനുള്ള തീരമാനം ഐഒസി എടുത്തത്. മാരത്തണിനു പുറമെ നടത്തവും സപ്പോറോയിലാകും.
ടോക്കിയോ ഗവര്ണര് യൂറികോ കോയികെയുമായി ടോക്കിയോയില് നടത്തിയ ചര്ച്ചയില് ഇക്കാര്യം വ്യക്തമാക്കിയതായി ടോക്കിയോ ഗെയിംസിന്റെ കോഓര്ഡിനേഷന് കമ്മിറ്റി ചീഫ് ജോണ് കോട്സ് പറഞ്ഞു. വേദിമാറ്റാനുള്ള തീരുമാനത്തില് ഐഒസി ഉറച്ചുനില്ക്കുന്നുവെന്ന് സെപ്റ്റംബറില് ദോഹയില് നടന്ന മാരത്തണില് ചൂട് അത്ലറ്റുകളെ ബാധിച്ചത് ഉദ്ധരിച്ചാണ് അദ്ദേഹം പറഞ്ഞത്. ടോക്കിയോയിലെ ജനങ്ങളുടെ വിഷമം മനസിലാക്കാനാകും. പക്ഷേ എപ്പോഴും തങ്ങളുടെ മുന്നില് അത്ലറ്റുകളുടെ ആരോഗ്യമാണ് പ്രധാനം. അതുകൊണ്ടാണ് തീരുമാനമെടുത്തത്- കോട്സ് വ്യക്തമാക്കി.
മാരത്തണ് സപ്പോറോയില്തന്നെ
12:20 AM Oct 26, 2019 | Deepika.com