മുംബൈ: മഹാരാഷ്‌ട്ര, ഹരിയാന നിയമസഭാ തെരഞ്ഞെടുപ്പ് ഫലങ്ങൾ ഇന്നറിയാം. രാവിലെ എട്ടിന് വോട്ടെണ്ണൽ ആരംഭിക്കും. മഹാരാഷ്‌ട്രയിൽ 288 മണ്ഡലങ്ങളിലേക്കും ഹരിയാനയിൽ 90 മണ്ഡലങ്ങളിലേക്കുമാണു തെരഞ്ഞടുപ്പ് നടന്നത്. മഹാരാഷ്‌ട്രയിൽ ബിജെപി-ശിവസേന സഖ്യം അധികാരം നിലനിർത്തുമെന്നാണ് എക്സിറ്റ് പോൾ പ്രവചനം. കോൺഗ്രസ്-എൻസിപി സഖ്യത്തിന് 2014ലെ സീറ്റുപോലും നിലനിർത്താനാവില്ലെന്നാണു പ്രവചനം. ഹരിയാനയിൽ ബിജെപി അധികാരത്തിലെത്തുമെന്നാണ് എക്സിറ്റ് പോൾ പ്രവചനം. എന്നാൽ തൂക്കുസഭയായിരിക്കുമെന്ന് ഇന്ത്യ ടുഡേ-ആക്സിസ് മൈ ഇന്ത്യ പ്രവചിക്കുന്നു.
18 സംസ്ഥാനങ്ങളിലെ 51 നിയമസഭാ മണ്ഡലങ്ങളിലെ ഉപതെരഞ്ഞെടുപ്പ് ഫലവും ഇന്നു പ്രഖ്യാപിക്കും. മഹാരാഷ്‌ട്രയിലെ സത്താറ, ബിഹാറിലെ സമസ്തിപുർ ലോക്സഭാ മണ്ഡലങ്ങളിലെ ഉപതെരഞ്ഞെടുപ്പ് ഫലവും ഇന്നറിയാം.
18 സംസ്ഥാനങ്ങളിലെ 51 നിയമസഭാ മണ്ഡലങ്ങളിലെ ഉപതെരഞ്ഞെടുപ്പ് ഫലവും ഇന്നു പ്രഖ്യാപിക്കും. മഹാരാഷ്‌ട്രയിലെ സത്താറ, ബിഹാറിലെ സമസ്തിപുർ ലോക്സഭാ മണ്ഡലങ്ങളിലെ ഉപതെരഞ്ഞെടുപ്പ് ഫലവും ഇന്നറിയാം.
