പാരീസ്: ഫ്രഞ്ച് ലീഗ് ഒന്ന് ഫുട്ബോളിൽ നിലവിലെ ചാന്പ്യന്മാരായ പിഎസ്ജിക്ക് ഹോം മത്സരത്തിൽ ഏകപക്ഷീയ ജയം. ആങ്കേഴ്സിനെ മറുപടിയില്ലാത്ത നാല് ഗോളിനാണ് പിഎസ്ജി കീഴടക്കിയത്. പിഎസ്ജിക്കായി പാബ്ലൊ സരാബിയ (13-ാം മിനിറ്റ്), മൗറൊ ഇക്കാർഡി (37-ാം മിനിറ്റ്), ഗ്യൂയെ (59-ാം മിനിറ്റ്), നെയ്മർ (90-ാം മിനിറ്റ്) എന്നിവർ ഗോൾ നേടി. പാരീ സാൻ ഷെർമയ്ന്റെ പുതിയ റിക്രൂട്ട്മെന്റായിരുന്നു സരാബിയ.
ലീഗിൽ ഒന്പത് മത്സരങ്ങൾ പൂർത്തിയായപ്പോൾ 21 പോയിന്റുമായി പിഎസ്ജി ഒന്നാം സ്ഥാനത്താണ്. നാന്റെസ് 19 പോയിന്റ്, ആങ്കേഴ്സ് 16 പോയിന്റ് എന്നിവയാണ് രണ്ടും മൂന്നും സ്ഥാനങ്ങളിൽ.
പിഎസ്ജിക്കു ജയം
11:56 PM Oct 06, 2019 | Deepika.com