ന്യൂഡൽഹി: രാജ്യദ്രോഹ കുറ്റം ചുമത്തപ്പെട്ട ജമ്മു കാഷ്മീർ പീപ്പിൾസ് മൂവ്മെന്റ് നേതാവ് ഷെഹ്ല റാഷിദിനു ഡൽഹി കോടതിയുടെ മുൻകൂർ ജാമ്യം. ഷെഹ്ല റാഷിദ് നൽകിയ മുൻകൂർ ജാമ്യാപേക്ഷ പരിഗണിച്ച് പട്യാലഹൗസ് കോടതിയാണ് നവംബർ അഞ്ചു വരെ മുൻകൂർ ജാമ്യം അനുവദിച്ചത്. അതുവരെ അന്വേഷണ ഉദ്യോഗസ്ഥരുമായി സഹകരിക്കണമെന്നും കോടതി നിർദേശിച്ചു.
ജമ്മു കാഷ്മീരിനുള്ള പ്രത്യേക അധികാരം റദ്ദാക്കിയതിനു പിന്നാലെ കാഷ്മീരിൽ സൈന്യം മനുഷ്യാവകാശ ലംഘനങ്ങൾ നടത്തുന്നെന്നും ജനങ്ങളെ ദ്രോഹിക്കുകയാണെന്നും സമുഹ മാധ്യമങ്ങളിൽ പോസ്റ്റിട്ടിരുന്നു. ഇതിനെതിരേ അഭിഭാഷകനായ അലോക് ശ്രീവാസ്തവ നൽകിയ പരാതിയിലാണ് ഡൽഹി പോലീസ് കേസെടുത്തത്.
ജമ്മു കാഷ്മീരിനുള്ള പ്രത്യേക അധികാരം റദ്ദാക്കിയതിനു പിന്നാലെ കാഷ്മീരിൽ സൈന്യം മനുഷ്യാവകാശ ലംഘനങ്ങൾ നടത്തുന്നെന്നും ജനങ്ങളെ ദ്രോഹിക്കുകയാണെന്നും സമുഹ മാധ്യമങ്ങളിൽ പോസ്റ്റിട്ടിരുന്നു. ഇതിനെതിരേ അഭിഭാഷകനായ അലോക് ശ്രീവാസ്തവ നൽകിയ പരാതിയിലാണ് ഡൽഹി പോലീസ് കേസെടുത്തത്.