നെതര്ലന്ഡ്സ് താരം മാത്തിയസ് ഡി ലൈറ്റ് യുവന്റസില് ചേര്ന്നു. അയാക്സ് ആംസ്റ്റര്ഡാമില്നിന്ന് 580 കോടി രൂപയ്ക്കാണ് (7.5 കോടി യൂറോ) ഡി ലൈറ്റിനെ യുവന്റസ് സ്വന്തമാക്കിയത്.
പത്തൊമ്പതുകാരനായ പ്രതിരോധതാരവുമായി യുവന്റസ് അഞ്ചു വര്ഷത്തെ കരാറിലാണ് ഏര്പ്പെട്ടിരിക്കുന്നത്. യുവന്റസിന്റെ ചരിത്രത്തിലെ മൂന്നാമത്തെ വലിയ കരാറിലാണ് ഡി ലൈറ്റിനെ സ്വന്തമാക്കിയത്. 2018ല് ക്രിസ്റ്റിയാനോ റൊണാള്ഡോ (10.5 കോടി യൂറോ), 2016ല് ഗോണ്സാലോ ഹിഗ്വെയ്ൻ (9.0 കോടി യൂറോ) എന്നിവരാണ് യുവന്റസിന്റെ ചരിത്രത്തിലെ വിലയേറിയ താരങ്ങൾ.
കഴിഞ്ഞ യുവേഫ ചാമ്പ്യന്സ് ലീഗില് അയാക്സിനെ സെമി ഫൈനലിലെത്തിച്ച പ്രകടനത്തോടെ താരത്തെ പല പ്രമുഖ ക്ലബ്ബുകളും ഡി ലൈറ്റിനെ സ്വന്തമാക്കുന്നതില് താത്പര്യമറിയിച്ചിരുന്നു.
580 കോടി; മാത്തിയസ് ഡി ലൈറ്റ് യുവന്റസില്
12:23 AM Jul 19, 2019 | Deepika.com