കാബൂൾ: അഫ്ഗാനിസ്ഥാൻ ക്രിക്കറ്റ് ടീമിനെ ഇനി റഷീദ് ഖാൻ നയിക്കും. ടീമിന്‍റെ മൂന്ന് ഫോർമാറ്റിലും റഷീദ് ഖാൻ ആയിരിക്കും നായകനെന്ന് അഫ്ഗാനിസ്ഥാൻ ക്രിക്കറ്റ് ബോർഡ് (എസിബി) ഇന്നലെ അറിയിച്ചു. അസ്ഹർ അഫ്ഗാനാണ് ഉപനായകൻ.
ഇരുപതുകാരനായ റഷീദ് ട്വന്‍റി-20 ടീം നായകനായിരുന്നു. ലോകകപ്പിലെ ദയനീയ പ്രകടനത്തിനു പിന്നാലെയാണ് ഏകദിന ക്യാപ്റ്റൻ സ്ഥാനത്തുനിന്ന് ഗുൽബാദിൻ നബിയെ മാറ്റുന്നത്. റഹ്മത്ത് ഷായായിരുന്നു ടെസ്റ്റ് ക്യാപ്റ്റൻ. ലോകകപ്പിനു തൊട്ടുമുന്പ് അസ്ഹർ അഫ്ഗാനെ നീക്കായാണ് ഗുൽബാദിനെ ഏകദിന ക്യാപ്റ്റനാക്കിയത്. ഇത് വൻ വിവാദമായിരുന്നു.
അഫ്ഗാനെ ഇനി റഷീദ് ഖാൻ നയിക്കും
12:57 AM Jul 13, 2019 | Deepika.com