വാഷിംഗ്ടൺ ഡിസി: എയിഡ്സ് ബാധിച്ച എലികളെ ചികിത്സിച്ചു ഭേദമാക്കുന്നതിൽ വൈദ്യശാസ്ത്ര ഗവേഷണ സംഘം വിജയിച്ചു. എയിഡ്സിനു കാരണമാകുന്ന എച്ച്ഐവി വൈറസിൽനിന്ന് എലികളെ പൂർണമായും മുക്തരാക്കി. ജീൻ എഡിറ്റിംഗ് ചികിത്സാ രീതിയാണ് ഉപയോഗിച്ചത്. എയിഡ്സിൽനിന്ന് പൂർണമുക്തി നല്കുന്ന ചികിത്സാരീതി ഇതാദ്യമാണ്.
യുഎസിലെ പെൻസിൽവേനിയയിലുള്ള ടെംപിൾ യൂണിവേഴ്സിറ്റി, നെബ്രാസ്ക യൂണിവേഴ്സിറ്റി എന്നിവിടങ്ങളിലെ ഗവേഷകർ സംയുക്തമായി നടത്തിയ പരീക്ഷണത്തിലാണ് പ്രതീക്ഷ നല്കുന്ന നേട്ടം ഉണ്ടായത്. രണ്ടു ഘട്ട ചികിത്സാ രീതിയാണ് ഉപയോഗിച്ചത്. ആദ്യഘട്ടത്തിൽ, എച്ച്ഐവി വൈറസിന്‍റെ വളർച്ച തടയുന്ന മരുന്നു നല്കി.
രണ്ടാം ഘട്ടത്തിൽ, ജീൻ എഡിറ്റിംഗ് മുഖേന രോഗബാധിത കോശങ്ങളിൽനിന്ന് എച്ച്ഐവി ഡിഎൻഎ നീക്കം ചെയ്തു. പരീക്ഷണത്തിന് ഉപയോഗിച്ച എലികളിൽ മൂന്നിൽ രണ്ടും എച്ച്ഐവി മുക്തമായി.
രണ്ട് ചികിത്സാരീതികളും സംയോജിപ്പിച്ച് എയിഡ്സ് ഭേദമാക്കാൻ കഴിയുമെന്ന് ഗവേഷണത്തിനു നേതൃത്വം നല്കിയ ഡോ. കമാൽ ഖലീൽ പറഞ്ഞു.
യുഎസിലെ പെൻസിൽവേനിയയിലുള്ള ടെംപിൾ യൂണിവേഴ്സിറ്റി, നെബ്രാസ്ക യൂണിവേഴ്സിറ്റി എന്നിവിടങ്ങളിലെ ഗവേഷകർ സംയുക്തമായി നടത്തിയ പരീക്ഷണത്തിലാണ് പ്രതീക്ഷ നല്കുന്ന നേട്ടം ഉണ്ടായത്. രണ്ടു ഘട്ട ചികിത്സാ രീതിയാണ് ഉപയോഗിച്ചത്. ആദ്യഘട്ടത്തിൽ, എച്ച്ഐവി വൈറസിന്‍റെ വളർച്ച തടയുന്ന മരുന്നു നല്കി.
രണ്ടാം ഘട്ടത്തിൽ, ജീൻ എഡിറ്റിംഗ് മുഖേന രോഗബാധിത കോശങ്ങളിൽനിന്ന് എച്ച്ഐവി ഡിഎൻഎ നീക്കം ചെയ്തു. പരീക്ഷണത്തിന് ഉപയോഗിച്ച എലികളിൽ മൂന്നിൽ രണ്ടും എച്ച്ഐവി മുക്തമായി.
രണ്ട് ചികിത്സാരീതികളും സംയോജിപ്പിച്ച് എയിഡ്സ് ഭേദമാക്കാൻ കഴിയുമെന്ന് ഗവേഷണത്തിനു നേതൃത്വം നല്കിയ ഡോ. കമാൽ ഖലീൽ പറഞ്ഞു.
