മാധ്യമപ്രവർത്തകന് ഉടൻ ജാമ്യം നൽകണം;വ്യ​ക്തി​സ്വ​ാത​ന്ത്ര്യം ഹ​നി​ക്ക​പ്പെ​ടു​ന്ന​ത് നോ​ക്കി​യി​രി​ക്കാ​നാ​കി​ല്ല: സു​പ്രീംകോ​ട​തി

ന്യൂ​ഡ​ൽ​ഹി: ഉ​ത്ത​ർ​പ്ര​ദേ​ശ് മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​നെ അ​പ​കീ​ർ​ത്തി​പ്പെ​ടു​ത്തി എ​ന്നാ​രോ​പി​ച്ച് പോ​ലീ​സ് അ​റ​സ്റ്റ് ചെ​യ്ത മാ​ധ്യ​മ​പ്ര​വ​ർ​ത്ത​ക​ൻ പ്ര​ശാ​ന്ത് ക​നോ​ജി​യ​യു​ടെ അ​ടി​യ​ന്ത​ര മോ​ച​ന​ത്തി​ന് ഉ​ത്ത​ര​വി​ട്ട് സു​പ്രീം​കോ​ട​തി. ഒ​രു ട്വീ​റ്റ് ഇ​ട്ട​തി​ന്‍റെ പേ​രി​ൽ ഒ​രാ​ളു​ടെ വ്യ​ക്തി​സ്വാത​ന്ത്ര്യം ഹ​നി​ക്ക​പ്പെ​ടു​ന്ന​ത് കൈ​യും കെ​ട്ടി നോ​ക്കി​യി​രി​ക്കാ​നാ​കി​ല്ല എ​ന്നു ചൂ​ണ്ടി​ക്കാ​ട്ടി​യാ​ണ് പ്ര​ശാ​ന്ത് ക​നോ​ജി​യ​യ്ക്ക് അ​ടി​യ​ന്ത​ര ജാ​മ്യം അ​നു​വ​ദി​ക്കാ​ൻ കോ​ട​തി ഉ​ത്ത​ര​വി​ട്ട​ത്.

മ​ഫ്തി​യി​ലെ​ത്തി​യ പോ​ലീ​സു​കാ​ർ ക​ഴി​ഞ്ഞ എ​ട്ടാം തീ​യ​തി ക​നോ​ജി​യ​യെ വീ​ട്ടി​ൽ നി​ന്നും പി​ടി​ച്ചു കൊ​ണ്ടു പോ​യി എ​ന്നാ​ണ് അ​ദ്ദേ​ഹ​ത്തി​ന്‍റെ ഭാ​ര്യ ജ​ഗീ​ഷ ന​ൽ​കി​യ പ​രാ​തി​യി​ൽ പ​റ​യു​ന്ന​ത്. ഉ​ത്ത​ർ​പ്ര​ദേ​ശ് മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​നെ വി​വാ​ഹം ചെ​യ്യാ​ൻ താ​ത്പ​ര്യ​മു​ണ്ടെ​ന്ന് പ​റ​യു​ന്ന യു​വ​തി​യു​ടെ വീ​ഡി​യോ ദൃ​ശ്യം ട്വി​റ്റ​റി​ലും ഫേ​സ്ബു​ക്കി​ലും പോ​സ്റ്റ് ചെ​യ്തു എ​ന്ന പേ​രി​ലാ​ണ് ക​നോ​ജി​യ​യെ അ​റ​സ്റ്റ് ചെ​യ്ത് അ​ജ്ഞാ​ത കേ​ന്ദ്ര​ത്തി​ലേ​ക്ക് മാ​റ്റി​യി​രു​ന്ന​ത്.

അ​റ​സ്റ്റോ ? എ​ന്നു ചോ​ദി​ച്ച ജ​സ്റ്റീ​സ് ഇ​ന്ദി​ര ബാ​ന​ർ​ജി ഒ​രു പൗ​ര​ന്‍റെ വ്യ​ക്തി​സ്വാ​ത​ന്ത്ര്യം ലം​ഘി​ക്ക​പ്പെ​ട്ടി​രി​ക്കു​ന്നു എ​ന്നു പ​റ​ഞ്ഞു. ഞ​ങ്ങ​ൾ ഈ ​സം​ഭ​വ​ങ്ങ​ളി​ലൂ​ടെ ക​ട​ന്നു പോ​കു​ക​യാ​യി​രു​ന്നു. തീ​ർ​ച്ച​യാ​യും അ​യാ​ൾ പോ​സ്റ്റ് ചെ​യ്ത ട്വീ​റ്റു​ക​ൾ അ​ങ്ങ​നെ ചെ​യ്യാ​ൻ പാ​ടി​ല്ലാ​ത്ത​താ​യി​രു​ന്നു. എ​ന്നാ​ൽ, എ​ന്ത​ടി​സ്ഥാ​ന​ത്തി​ലാ​ണ് അ​യാ​ളെ അ​റ​സ്റ്റ് ചെ​യ്ത​ത്. മൗ​ലി​ക അ​വ​കാ​ശ​ങ്ങ​ളു​ടെ പ​രി​ധി​യി​ൽ വ​രു​ന്ന സ്വാ​ത​ന്ത്ര്യം പ​വി​ത്ര​മാ​ണ്. ക​നോ​ജി​യ ചെ​യ്ത​ത് എ​ന്തു ത​ന്നെ ആ​യാ​ലും അ​യാ​ളെ ഉ​ട​ൻ ജാ​മ്യ​ത്തി​ൽ വി​ട​ണ​മെ​ന്നും ഉ​ത്ത​ർ​പ്ര​ദേ​ശ് സ​ർ​ക്കാ​രി​ന് വേ​ണ്ടി ഹാ​ജ​രാ​യ അ​ഡീ​ഷ​ണ​ൽ സോ​ളി​സി​റ്റ​ർ ജ​ന​റ​ൽ വി​ക്രം​ജീ​ത്ത് ബാ​ന​ർ​ജി​യോ​ട് ജ​സ്റ്റീ​സ് ഇ​ന്ദി​ര മു​ഖ​ർ​ജി പ​റ​ഞ്ഞു.

എ​ന്നാ​ൽ, ക​നോ​ജി​യ​യെ ജാ​മ്യ​ത്തി​ൽ വി​ട്ടാ​ൽ അ​യാ​ളു​ടെ ട്വീ​റ്റു​ക​ൾ സാ​ധൂ​ക​രി​ക്കു​ക​യാ​ണെ​ന്ന് പൊ​തു​ജ​നം ക​രു​തു​മെ​ന്ന് വി​ക്രം​ജീ​ത് ബാ​ന​ർ​ജി ചൂ​ണ്ടി​ക്കാ​ട്ടി. എ​ന്നാ​ൽ, ആ ​വാ​ദ​ത്തെ ചോ​ദ്യം ചെ​യ്ത് ജ​സ്റ്റീ​സ് ഇ​ന്ദി​ര ബാ​ന​ർ​ജി ക​നോ​ജി​യ​യെ ജാ​മ്യ​ത്തി​ൽ വി​ടു​ന്ന​ത് കൊ​ണ്ട് അ​യാ​ളു​ടെ വ്യ​ക്തി​സ്വാ​ത​ന്ത്ര്യം മാ​ത്ര​മാ​ണ് സാ​ധൂ​രി​ക്ക​പ്പെ​ടു​ന്ന​തെ​ന്ന് വ്യ​ക്ത​മാ​ക്കി. ഞ​ങ്ങ​ൾ ക​നോ​ജി​യ ട്വീ​റ്റ് ചെ​യ്ത രീ​തി​യെ പ്രോ​ത്സാ​ഹി​പ്പി​ക്കു​ന്നി​ല്ല. അ​യാ​ൾ അ​റ​സ്റ്റ് ചെ​യ്യ​പ്പെ​ട്ട​തി​ലാ​ണ് ആ​ശ​ങ്ക​യു​ള്ള​ത്. ഒ​രു ഭ​ര​ണ​ഘ​ട​ന​യു​ള്ള രാ​ജ്യ​ത്താ​ണ് ന​മ്മ​ൾ ജീ​വി​ക്കു​ന്ന​ത്. അ​യാ​ൾ​ക്കെ​തി​രേ നി​യ​മാ​നു​സൃ​ത വ​ഴി​ക​ൾ സ്വീ​ക​രി​ക്കാം. പ​ക്ഷേ, അ​തൊ​രി​ക്ക​ലും ജ​യി​ലി​ൽ ഇ​ട്ടുകൊ​ണ്ടാ​ക​രു​തെ​ന്നും ജ​സ്റ്റീ​സ് ഇ​ന്ദി​ര ബാ​ന​ർ​ജി വ്യ​ക്ത​മാ​ക്കി.

എ​ന്നാ​ൽ, അ​ഭി​പ്രാ​യ സ്വാ​ത​ന്ത്ര്യം എ​ന്നാ​ൽ, മ​റ്റൊ​രാ​ളു​ടെ അ​വ​കാ​ശ​ത്തെ ഹ​നി​ക്കു​ന്ന​താ​ക​രു​ത്. വ​ലി​യ സ്വാ​ത​ന്ത്ര്യ​ത്തോ​ടൊ​പ്പം വ​ലി​യ ഉ​ത്ത​ര​വാ​ദി​ത്ത​ങ്ങ​ളു​മു​ണ്ടെ​ന്നും എ​എ​സ്ജി ചൂ​ണ്ടി​ക്കാ​ട്ടി. അ​ഭി​പ്രാ​യ​സ്വാ​ത​ന്ത്ര്യ​വും സോ​ഷ്യ​ൽ മീ​ഡി​യ​ക​ളി​ലെ വി​മ​ർ​ശ​ന​ങ്ങ​ളും ത​ട​യേ​ണ്ട​ത് ത​ട​വി​ലി​ട്ടു കൊ​ണ്ട​ല്ല എ​ന്നാ​ണ് ജ​സ്റ്റീ​സ് ഇ​തി​ന് മ​റു​പ​ടി ന​ൽ​കി​യ​ത്. സോ​ഷ്യ​ൽ മീ​ഡി​യ​ക​ളി​ൽ പ​ല​തും വ​രു​ന്നു​ണ്ട്. എ​ന്നാ​ൽ, അ​തൊ​ന്നും ത​ട​വി​ലി​ടാ​ൻ കാ​ര​ണ​മാ​കു​ന്നു​ണ്ടോ, കു​റ​ച്ചു കൂ​ടി മ​ഹാ​മ​ന​സ്ക​ത കാ​ണി​ക്കൂ എ​ന്നും ജ​സ്റ്റീ​സ് ഉ​ത്ത​ർ​പ്ര​ദേ​ശ് സ​ർ​ക്കാ​രി​നോ​ട് പ​റ​ഞ്ഞ​ത്.

ക​നോ​ജി​യ​യ്ക്ക് ജാ​മ്യം ന​ൽ​കാ​ൻ നി​ർ​ദേ​ശി​ച്ചു കൊ​ണ്ടു​ള്ള ഉ​ത്ത​ര​വ് അ​യാ​ളു​ടെ ട്വീ​റ്റു​ക​ളെ പ്രോ​ത്സാ​ഹി​പ്പി​ക്കു​ന്നി​ല്ലെ​ന്നും ജ​സ്റ്റീ​സ് വ്യ​ക്ത​മാ​ക്കി. എ​ന്ത് പോ​സ്റ്റ് ചെ​യ്താ​ലും പൊ​തു​ജ​നം അ​ത് തൊ​ണ്ട​തൊ​ടാ​തെ വി​ഴു​ങ്ങു​മെ​ന്നു ക​രു​ത​രു​ത്. ജ​ന​ങ്ങ​ൾ വി​ദ്യാ​സ​ന്പ​ന്ന​രാ​ണെ​ന്നും ജ​സ്റ്റീ​സ് ചൂ​ണ്ടി​ക്കാ​ട്ടി.

ക​നോ​ജി​യ​യെ ജൂ​റി​സ്ഡി​ക്ഷ​ണ​ൽ ചീ​ഫ് ജു​ഡീ​ഷൽ മ​ജി​സ്ട്രേ​റ്റി​ന് തൃ​പ്തി​ക​ര​മാ​യ വ്യ​വ​സ്ഥ​ക​ളു​ടെ അ​ടി​സ്ഥാ​ന​ത്തി​ൽ ജാ​മ്യ​ത്തി​ൽ വി​ടാ​നാ​ണ് സു​പ്രീം​കോ​ട​തി നി​ർ​ദേ​ശി​ച്ചി​രി​ക്കു​ന്ന​ത്. ക​നോ​ജി​യ​യു​ടെ ഭാ​ര്യ ജ​ഗീ​ഷ​യ്ക്കുവേ​ണ്ടി അ​ഭി​ഭാ​ഷ​ക നി​ത്യ രാ​മ​കൃ​ഷ്ണ​ൻ സു​പ്രീം​കോ​ട​തി​യി​ൽ നേ​രി​ട്ടു ഹേ​ബി​യ​സ് കോ​ർ​പ്പ​സ് റി​ട്ട് ന​ൽ​കു​ക​യാ​യി​രു​ന്നു. ക​നോ​ജി​യ ജൂ​ണ്‍ 22 വ​രെ ജു​ഡീ​ഷൽ ക​സ്റ്റ​ഡി​യി​ൽ ആ​ണെ​ന്നാ​ണ് ക​ഴി​ഞ്ഞ ദി​വ​സം യു​പി സ​ർ​ക്കാ​ർ സു​പ്രീം​കോ​ട​തി​യി​ൽ ബോ​ധി​പ്പി​ച്ചി​രു​ന്ന​ത്. പ​തി​നൊ​ന്നു ദി​വ​സ​ത്തെ ക​സ്റ്റ​ഡി​യി​ൽ വി​ടാ​ൻ ഇ​തെ​ന്താ കൊ​ല​ക്കു​റ്റ​മാ​ണോ എ​ന്നാ​യി​രു​ന്നു കോ​ട​തി ചോ​ദി​ച്ച​ത്. ക​നോ​ജി​​ക്കെ​തി​രാ​യ ന​ട​പ​ടി വ്യ​ക്തി​പ​ര​മാ​യ വി​രോ​ധ​ത്തി​ന്‍റെ അ​ടി​സ്ഥാ​ന​ത്തി​ൽ അ​ല്ലെ​ന്ന് യു​പി സ​ർ​ക്കാ​ർ കോ​ട​തി​യെ ബോ​ധി​പ്പി​ച്ചു.