മരടിലെ ഫ്ലാറ്റ് പൊളിക്കൽ: സുപ്രീംകോടതിയിൽ പുനഃപരിശോധനാ ഹർജി

ന്യൂ​ഡ​ൽ​ഹി: എ​റ​ണാ​കു​ളം മ​ര​ട് മു​നി​സി​പ്പാ​ലി​റ്റി​യി​ലെ ഫ്ളാ​റ്റു​ക​ൾ പൊ​ളി​ച്ചു നീ​ക്ക​ണ​മെ​ന്ന ഉ​ത്ത​ര​വി​നെ​തി​രേ സു​പ്രീം​കോ​ട​തി​യി​ൽ പു​നഃ​പ​രി​ശോ​ധ​നാ ഹ​ർ​ജി. ഫ്ളാ​റ്റു​ക​ൾ നി​ർ​മി​ച്ച​ത് തീ​ര​ദേ​ശ നി​യ​ന്ത്ര​ണ മേ​ഖ​ലാ മൂ​ന്നി​ൽ​പ്പെ​ട്ട സ്ഥ​ല​ത്താ​ണെ​ന്ന തെ​റ്റാ​യ ധാ​ര​ണ​യു​ടെ അ​ടി​സ്ഥാ​ന​ത്തി​ലാ​ണ് സു​പ്രീം​കോ​ട​തി ഉ​ത്ത​ര​വെ​ന്ന് ഹോ​ളി ഫെ​യ്ത് ബി​ൽ​ഡേ​ഴ്സ് ആ​ൻ​ഡ് ഡെ​വ​ല​പ്പേ​ഴ്സ് ന​ൽ​കി​യ പു​നഃ​പ​രി​ശോ​ധ​നാ ഹ​ർ​ജി​യി​ൽ ചൂ​ണ്ടി​ക്കാ​ട്ടു​ന്നു.

2019 ഫെ​ബ്രു​വ​രി​യി​ൽ കേ​ന്ദ്ര പ​രി​സ്ഥി​തി വ​കു​പ്പ് ഇ​റ​ക്കി​യ വി​ജ്ഞാ​പ​ന പ്ര​കാ​രം തീ​ര​ദേ​ശ നി​യ​ന്ത്ര​ണ മേ​ഖ​ല ര​ണ്ടി​ൽ വ​രു​ന്ന സ്ഥ​ല​ത്താ​ണ് ഫ്ളാ​റ്റു​ക​ൾ നി​ർ​മി​ച്ച​ത്. തീ​ര​ദേ​ശ ച​ട്ട​ങ്ങ​ൾ പാ​ലി​ച്ചു​കൊ​ണ്ടാ​ണ് കെ​ട്ടി​ട​ങ്ങ​ളു​ടെ നി​ർ​മാ​ണ​മെ​ന്ന് ഹ​ർ​ജി​യി​ൽ ചൂ​ണ്ടി​ക്കാ​ട്ടി.

ഹോ​ളി​ഡേ ഹെ​റി​റ്റേ​ജ്, ഹോ​ളി ഫെ​യ്ത്ത്, ജെ​യി​ൻ ഹൗ​സിം​ഗ്, കാ​യ​ലോ​രം അ​പ്പാ​ർ​ട്ട്മെ​ന്‍റ്, ആ​ൽ​ഫാ വെ​ഞ്ചേ​ഴ്സ് എ​ന്നി​വ പൊ​ളി​ച്ചു​നീ​ക്കി ഒ​രു മാ​സ​ത്തി​ന​കം റി​പ്പോ​ർ​ട്ട് ന​ൽ​ക​ണ​മെ​ന്നാ​യി​രു​ന്നു ജ​സ്റ്റീ​സ് അ​രു​ണ്‍ മി​ശ്ര അ​ധ്യ​ക്ഷ​നാ​യ ബെ​ഞ്ചി​ന്‍റെ ഉ​ത്ത​ര​വ്. എ​ന്നാ​ൽ, യ​ഥാ​ർ​ഥ ത​ർ​ക്ക​വി​ഷ​യ​ത്തി​ന്‍റെ പ​രി​ധി​ ക​ട​ന്നാ​ണ് സു​പ്രീം​കോ​ട​തി​യു​ടെ ന​ട​പ​ടി​യെ​ന്ന് പു​ന​ഃപ​രി​ശോ​ധ​നാ ഹ​ർ​ജി​യി​ൽ പ​റ​യു​ന്നു.

സം​സ്ഥാ​ന സ​ർ​ക്കാ​ർ ആ​വ​ശ്യ​പ്പെ​ട്ട​ പ്ര​കാ​രം മ​ര​ട് പ​ഞ്ചാ​യ​ത്ത് അ​ധി​കൃ​ത​ർ അ​യ​ച്ച കാ​ര​ണം​കാ​ണി​ക്ക​ൽ നോ​ട്ടീ​സി​ന്‍റെ നി​യ​മ​സാ​ധു​ത​യാ​ണ് കേ​സി​ൽ ചോ​ദ്യം​ചെ​യ്യ​പ്പെ​ട്ട​ത്. കെ​ട്ടി​ട​നി​ർ​മാ​താ​ക്ക​ളു​ടെ ഹ​ർ​ജി​യി​ൽ കാ​ര​ണം കാ​ണി​ക്ക​ൽ നോ​ട്ടീ​സ് റ​ദ്ദാ​ക്കി​യ​തി​ലൂ​ടെ ഹൈ​ക്കോ​ട​തി അ​ധി​കാ​ര​പ​രി​ധി ലം​ഘി​ച്ചു​വെ​ന്ന് ക​ണ്ടെ​ത്തി​യാ​ൽ ബ​ന്ധ​പ്പെ​ട്ട അ​ധി​കൃ​ത​രോ​ട് ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കാ​നാ​യി​രു​ന്നു സു​പ്രീം​കോ​ട​തി ആ​വ​ശ്യ​പ്പെ​ടേ​ണ്ടി​യി​രു​ന്ന​ത്. കാ​ര​ണം​കാ​ണി​ക്ക​ൽ നോ​ട്ടീ​സി​ന് മ​റു​പ​ടി ന​ൽ​കാ​ൻ പ​രാ​തി​ക്കാ​ർ​ക്ക് അ​വ​സ​രം ന​ൽ​ക​ണം. അ​തി​നാ​ൽ സ്വാ​ഭാ​വി​ക നീ​തി​യു​ടെ ലം​ഘ​ന​മാ​ണ് ഇ​വി​ടെ ന​ട​ന്ന​തെ​ന്നും ഹ​ർ​ജി​യി​ൽ പ​റ​യു​ന്നു.