ഭുവനേശ്വർ: രണ്ടു മണ്ഡലങ്ങളിൽനിന്നു വിജയിച്ച ഒഡീഷ മുഖ്യമന്ത്രി നവീൻ പട്നായിക് ബിജേപുർ മണ്ഡലം ഒഴിഞ്ഞു. പരന്പരാഗത സീറ്റായ ഹിൻജിലി നവീൻ നിലനിർത്തി. ആദ്യമായാണു നവീൻ പട്നായിക് രണ്ടു മണ്ഡലങ്ങളിൽ മത്സരിച്ചത്. ഗഞ്ചാം ജില്ലയിലെ ഹിൻജിലിയിൽനിന്നു നവീൻ അഞ്ചു തവണ തെരഞ്ഞെടുക്കപ്പെട്ടിട്ടുണ്ട്. 60,160 വോട്ടിനാണു ഹിൻജിലിയിൽ വിജയിച്ചത്. 57,122 വോട്ടായിരുന്നു ബിജേപുരിലെ ഭൂരിപക്ഷം. ബിജേപുരിൽ1,330 കോടി രൂപയുടെ പദ്ധതികൾ പ്രഖ്യാപിച്ചശേഷമായിരുന്നു നവീൻ പട്നായിക്കിന്‍റെ രാജി.
