ന്യൂഡൽഹി: അനധികൃത സ്വത്തു സന്പാദന കേസിൽ അന്വേഷണം നേരിടുന്ന റോബർട്ട് വദ്രയ്ക്ക് എൻഫോഴ്സ്മെന്റ് ഡയറക്ടറേറ്റ് സമൻസ് അയച്ചു. അന്വേഷണ ഉദ്യോഗസ്ഥനു മുന്പിൽ ഇന്നു രാവിലെ 10.30നു ഹാജരാകണമെന്നാണ് ആവശ്യപ്പെട്ടിരിക്കുന്നത്. ഈ കേസിൽ വദ്രയുടെ മുൻകൂർജാമ്യം റദ്ദാക്കണമെന്നാവശ്യപ്പെട്ട് കഴിഞ്ഞയാഴ്ച ഇഡി ഡൽഹി ഹൈക്കോടതിയെ സമീപിച്ചിരുന്നു. ഇതുമായി ബന്ധപ്പെട്ട് വദ്രയുടെ പ്രതികരണം തേടി കോടതി നോട്ടീസ് അയച്ചിരുന്നു.