അന്പരപ്പിക്കാൻ അഫ്ഗാൻ...

ചാ​ര​ത്തി​ല്‍നി​ന്നു പ​റ​ന്നു​യ​ര്‍ന്ന​വ​രാ​ണ് അ​ഫ്ഗാ​നി​സ്ഥാ​ന്‍ ക്രി​ക്ക​റ്റ് ടീ​മെ​ന്ന് നി​സം​ശ​യം പ​റ​യാം. സോ​വി​യ​റ്റ് യൂ​ണി​യ​ന്‍റെ ക​ട​ന്നുക​യ​റ്റ​വും അ​തി​നെ​തി​രേ​യു​ള്ള യു​ദ്ധ​വും അ​ഫ്ഗാ​നി​സ്ഥാ​ന്‍ ആ​ഭ്യ​ന്ത​ര യു​ദ്ധ​വും അ​സ്ഥി​ര​മാ​യ ഭ​ര​ണ​കൂ​ട​വും പി​ന്നീ​ട് താ​ലി​ബാ​ന്‍റെ ക​ട​ന്നു​ക​യ​റ്റ​വും അ​വ​രെ ത​ക​ര്‍ക്കാ​ന്‍ അ​മേ​രി​ക്ക​ന്‍ സൈ​ന്യ​ത്തി​ന്‍റെ ക​ട​ന്നു​വ​ര​വും എ​ല്ലാം ചേ​ര്‍ന്ന് അ​ഫ്ഗാ​നി​സ്ഥാ​ന് സ​മ്മാ​നി​ച്ച​ത് യു​ദ്ധ​ങ്ങ​ളു​ടെ നാ​ളു​ക​ളാ​യി​രു​ന്നു.

യു​ദ്ധം ആ ​നാ​ടി​നെ മു​ഴു​വ​ന്‍ ത​ക​ര്‍ത്തു. ജ​ന​ങ്ങ​ള്‍ക്ക് പാ​ക്കി​സ്ഥാ​നി​ലേ​ക്ക് അ​ഭ​യാ​ര്‍ഥി​ക​ളാ​യി പോ​കേ​ണ്ടി​വ​ന്നു. അ​ഭ​യാ​ര്‍ഥി ക്യാ​മ്പു​ക​ളി​ല്‍നി​ന്നാ​യി​രു​ന്നു അ​ഫ്ഗാ​ന്‍ ടീ​മു​ണ്ടാ​യ​ത്. ക്രി​ക്ക​റ്റി​ന് ഒ​രു​ത​ര​ത്തി​ലു​മു​ള്ള പാ​ര​മ്പ​ര്യ​മി​ല്ലാ​ത്ത നാ​ട്ടി​ല്‍നി​ന്നാ​ണ് അ​ഫ്ഗാ​നി​സ്ഥാ​ന്‍ ക്രി​ക്ക​റ്റ് പ​ത്തു ടീ​മു​ക​ള്‍ ഏ​റ്റു​മു​ട്ടു​ന്ന ഐ​സി​സി ലോ​ക​ക​പ്പ് ക​ളി​ക്കാ​ന്‍ യോ​ഗ്യ​ത നേ​ടി​യ​ത്. ര​ണ്ടാം ത​വ​ണ​യാ​ണ് അ​ഫ്ഗാ​ന്‍ ലോ​ക​ക​പ്പ് വേ​ദി​യി​ലെ​ത്തു​ന്ന​ത്. 2015ല്‍ ​ലോ​ക​ക​പ്പി​ല്‍ ആ​റു ക​ളി​യി​ല്‍ ഒ​രു ജ​യം നേ​ടാ​നാ​യി.

സ്വ​ന്തം നാ​ട്ടി​ല്‍ ഇ​വ​ര്‍ക്കു ക​ളി​ക്കാ​ന്‍ ഒ​രു ക്രി​ക്ക​റ്റ് സ്‌​റ്റേ​ഡി​യം പോ​ലു​മി​ല്ല. ഇ​ന്ത്യ​യി​ലാ​ണ് അ​ഫ്ഗാ​ന്‍ ഹോം ​മ​ത്സ​ര​ങ്ങ​ള്‍ ന​ട​ത്തു​ന്ന​ത്. അ​ഫ്ഗാ​നി​സ്ഥാ​ന്‍റെ ക്രി​ക്ക​റ്റ് വ​ള​ര്‍ച്ച​യി​ല്‍ ഇ​ന്ത്യ​യും പാ​ക്കി​സ്ഥാ​നും വ​ഹി​ച്ച പ​ങ്ക് വ​ലു​താ​യി​രു​ന്നു. അ​ഫ്ഗാ​നി​സ്ഥാ​നി​ലി​പ്പോ​ള്‍ ല​ക്ഷ​ത്തോ​ളം പേ​ര്‍ ക്രി​ക്ക​റ്റ് ക​ളി​ക്കു​ന്നു. ഇ​തി​ല്‍ 300 പേ​ര്‍ പൂര്‍ണ​മാ​യും പ്ര​ഫ​ഷ​ണ​ല്‍ ക​ളി​ക്കാ​രാ​ണ്. ക്രി​ക്ക​റ്റ് അ​ഫ്ഗാ​നി​ലെ​ങ്ങും പ​ട​ര്‍ന്നു ക​ഴി​ഞ്ഞു. ഗ്രാ​മ​ങ്ങ​ളി​ലും തെ​രു​വു​ക​ളി​ലും ക്രി​ക്ക​റ്റ് ക​ളി​ക്കു​ന്ന​വ​രെ കാ​ണാ​നാ​കും. അ​ഫ്ഗാ​ന്‍റെ ക്രി​ക്ക​റ്റ് വ​ള​ര്‍ച്ച​യ്ക്ക് മ​റ്റ് ലോ​ക രാഷ്‌ട്രങ്ങ​ളും വ​ലി​യ സം​ഭാ​വ​ന ന​ല്‍കു​ന്നു​ണ്ട്. യു​ദ്ധ​കാ​ല​ത്ത് ഡോ​ക്ട​റാ​യി സേ​വ​ന​മ​നു​ഷ്ഠിച്ച സാ​റ ഫേ​ന്‍ അ​ഫ്ഗാ​ന്‍ ക​ണ​ക്‌ഷ​ന്‍ എ​ന്ന സ​ന്ന​ദ്ധ​സേ​വ​ന സ്ഥാ​പ​നം സ്ഥാ​പി​ച്ചു. ഇ​തി​ലൂടെ ല​ക്ഷ്യ​മാ​ക്കു​ന്ന​ത് കു​ട്ടി​ക​ള്‍ക്കു ക്രി​ക്ക​റ്റും വി​ദ്യാ​ഭ്യാ​സ​വു​മാ​ണ്. രാ​ജ്യ​ത്തെ 50 ശ​ത​മാ​നം ജ​ന​ങ്ങ​ളും 18 വ​യ​സി​ല്‍ താ​ഴെ​യു​ള്ള​വ​രാ​ണ്. ഇ​വ​രു​ടെ പ്ര​വ​ര്‍ത്ത​ന​ത്തി​ലൂ​ടെ രാ​ജ്യ​ത്ത് 46 സ്‌​കൂ​ളു​ക​ളും 100 ക്രി​ക്ക​റ്റ് പി​ച്ചു​ക​ളും നി​ര്‍മി​ച്ചു. ഒ​രു ല​ക്ഷ​ത്തി​ലേ​റെ കു​ട്ടി​ക​ള്‍ക്കാ​ണ് ഇ​വ​രു​ടെ സേ​വ​നം ല​ഭി​ക്കു​ന്ന​ത്.

2019 ഐ​സി​സി ലോ​ക​ക​പ്പി​നു യോ​ഗ്യ​ത നേ​ടാ​നാ​യി ക​ഴി​ഞ്ഞ വ​ര്‍ഷം ന​ട​ന്ന യോ​ഗ്യ​ത മ​ത്സ​ര​ത്തി​ന്‍റെ ഗ്രൂ​പ്പ് ഘ​ട്ട​ത്തി​ല്‍ ഹോ​ങ്കോം​ഗി​നോ​ടു​പോ​ലും തോ​റ്റ് അ​വ​സാ​നം നേ​പ്പാ​ളി​നെ​തി​രേ​യു​ള്ള ജ​യ​വും പി​ന്നെ മി​ക​ച്ച റ​ണ്‍റേ​റ്റും അ​ഫ്ഗാ​നെ സൂ​പ്പ​ര്‍ സി​ക്‌​സി​ലെ​ത്തി​ച്ചു. യു​ദ്ധ​ങ്ങ​ള്‍ ക​ണ്ട് വ​ള​ര്‍ന്ന ആ ​ക​ളി​ക്കാ​ര്‍ ത​ള​രു​ന്ന​വ​രാ​യി​രു​ന്നി​ല്ല. സൂ​പ്പ​ര്‍ സി​ക്‌​സി​ല്‍ അ​ഞ്ചി​ല്‍ മൂ​ന്നു ക​ളി​യും ജ​യി​ച്ച് അ​ഫ്ഗാ​നി​സ്ഥാ​ന്‍ ഫൈ​ന​ലി​ല്‍ ക​ട​ന്നു. സൂ​പ്പ​ര്‍ സി​ക്‌​സി​ലെ അ​വ​സാ​ന മ​ത്സ​ര​ത്തി​ല്‍ അ​യ​ര്‍ല​ന്‍ഡി​നെ തോ​ല്‍പ്പി​ച്ച​തോ​ടെ ലോ​ക​ക​പ്പി​ന് ഇം​ഗ്ല​ണ്ടി​ലേ​ക്കു ടി​ക്ക​റ്റെ​ടു​ക്കു​ക​യും ചെ​യ്തു. ഫൈ​ന​ലി​ല്‍ ലോ​ക​ക​പ്പി​നു യോ​ഗ്യ​ത നേ​ടി​യ വെ​സ്റ്റ് ഇ​ന്‍ഡീ​സാ​യി​രു​ന്നു എ​തി​രാ​ളി​ക​ള്‍. അ​തു​കൊ​ണ്ട് അ​ഫ്ഗാ​നെ​ക്കാ​ള്‍ പാ​ര​മ്പ​ര്യ​വും മി​ക​ച്ച ക​ളി​ക്കാ​രു​മു​ള്ള വി​ന്‍ഡീ​സ് ജ​യി​ക്കു​മെ​ന്നു ക​രു​തി. എ​ന്നാ​ല്‍ അ​വി​ടെ​യും അ​ഫ്ഗാ​ന്‍ ഏ​ക​ദേ​ശം 10 ഓ​വ​ര്‍ ബാ​ക്കി​യി​രി​ക്കേ ഏ​ഴു വി​ക്ക​റ്റി​നു ജ​യി​ച്ചു. യോ​ഗ്യ​താ മ​ത്സ​ര​ത്തി​ല്‍ വി​ന്‍ഡീ​സി​നെ​തി​രേ 10 ദി​വ​സ​ത്തി​നി​ടെ നേ​ടു​ന്ന ര​ണ്ടാ​മ​ത്തെ ജ​യ​മാ​യി​രു​ന്നു.

1995ലാ​ണ് അ​ഫ്ഗാ​നി​സ്ഥാ​ന്‍റെ ആ​ദ്യ ദേ​ശീ​യ ടീം ​രൂ​പീ​ക​രി​ക്ക​പ്പെ​ടു​ന്ന​ത്. 2001ല്‍ ​ഐ​സി​സി​യു​ടെ അ​ഫി​ലി​യേ​റ്റ് അം​ഗ​വു​മാ​യി. പി​ന്നീ​ട് ര​ണ്ടു പ​തി​റ്റാ​ണ്ടി​നു​ള്ളി​ല്‍ ടെ​സ്റ്റ് പ​ദ​വി​യു​ള്ള 12 രാ​ജ്യ​ങ്ങ​ളി​ല്‍ ഒ​ന്നാ​യി മാ​റു​ക​യും ചെ​യ്തു. അ​ഫ്ഗാ​ന്‍ ടീ​മി​ന്‍റെ വ​ള​ര്‍ച്ച കാ​യി​ക​ലോ​ക​ത്തെ ത​ന്നെ പ്ര​ചോ​ദി​ക്കു​ന്ന കാ​ര്യ​മാ​ണ്.

ത​ങ്ങ​ള്‍ ഒ​ട്ടും മോ​ശ​മ​ല്ലെ​ന്ന് തെ​ളി​യി​ച്ച​വ​രാ​ണ് ഈ ​ടീം. ഏ​ഷ്യാ ക​പ്പി​ല്‍ ശ്രീ​ല​ങ്ക​യെ​യും ബം​ഗ്ലാ​ദേ​ശി​നെ​യും തോ​ല്‍പ്പി​ച്ച് സൂ​പ്പ​ര്‍ ഫോ​റി​ലെ​ത്തി. സൂ​പ്പ​ര്‍ ഫോ​റി​ല്‍ പാ​ക്കി​സ്ഥാ​നെ​തി​രേ പൊ​രു​തി തോ​ല്‍ക്കു​ക​യാ​യി​രു​ന്നു. കൂ​ടാ​തെ ക​രു​ത്ത​രാ​യ ഇ​ന്ത്യ​യു​മാ​യി സ​മ​നി​ല​യി​ല്‍ പി​രി​യാ​നു​മാ​യി.

ടീ​മി​ലെ പ​ല ക​ളി​ക്കാ​രും ലോ​ക​ത്തെ പ​ല ക്രി​ക്ക​റ്റ് ലീ​ഗു​ക​ളി​ല്‍ ക​ളി​ച്ച് ത​ങ്ങ​ളു​ടെ ക​ഴി​വ് തെ​ളി​യി​ച്ച​താ​ണ്. ഇ​തു​ത​ന്നെ​യാ​ണ് അ​വ​ര്‍ക്കു ന​ല്‍കു​ന്ന ആ​ത്മ​വി​ശ്വാ​സ​വും. സ്പി​ന്‍ നി​ര​യി​ലെ റ​ഷീ​ദ് ഖാ​ന്‍, മു​ജീ​ബ് ഉ​ര്‍ റ​ഹ്മാ​ന്‍, മു​ഹ​മ്മ​ദ് ന​ബി എ​ന്നി​വ​ര്‍ ഏ​തു ബാ​റ്റിം​ഗ് നി​ര​യ്ക്കും ഭീ​ഷ​ണി ഉ​യ​ര്‍ത്താ​ന്‍ ക​ഴി​വു​ള്ള​വ​രാ​ണ്. ഇ​തി​ല്‍ റ​ഷീ​ദ് ഖാ​ന്‍ ഏ​ക​ദി​ന ബൗ​ള​ര്‍മാ​രു​ടെ റാ​ങ്കിം​ഗി​ല്‍ മൂ​ന്നാം സ്ഥാ​ന​ത്തും ഓ​ള്‍റൗ​ണ്ട​ര്‍മാ​രു​ടെ റാ​ങ്കിം​ഗി​ല്‍ ര​ണ്ടാ​മ​തു​മാ​ണ്. ഓ​ള്‍റൗ​ണ്ട​ര്‍മാ​രു​ടെ റാ​ങ്കിം​ഗി​ല്‍ മു​ഹ​മ്മ​ദ് ന​ബി മൂ​ന്നാം സ്ഥാ​ന​ത്തു​ണ്ട്. ഷെ​യ്ന്‍ വോ​ണി​നു​ശേ​ഷം റി​സ്റ്റ് സ്പി​ന്നി​ല്‍ ഏ​വ​രെ​യും ആ​വേ​ശം കൊ​ള്ളി​ച്ച ബൗ​ള​റാ​ണ് റ​ഷീ​ദ് ഖാ​ന്‍.

പേ​സ് നി​ര​യി​ലു​ള്ള​വ​ര്‍ ഇം​ഗ്ല​ണ്ടി​ലെ സാ​ഹ​ച​ര്യ​ങ്ങ​ള്‍ ഉ​പ​യോ​ഗി​ക്കാ​ന്‍ ക​ഴി​വു​ള്ള​വാ​ര​ണ്. അ​ഫ്താ​ബ് ആ​ലം, ദൗ​ല​ത് സ​ര്‍ദ്രാ​ന്‍, ഗു​ല്‍ബാ​ദി​ന്‍ നെ​യ്ബ് എ​ന്നി​വ​രാ​ണ് പേ​സ് നി​ര​യി​ല്‍. അ​സ്ഖാ​ര്‍ അ​ഫ്ഗാ​നെ മാ​റ്റി പ​ക​രം ഗു​ല്‍ബാ​ദി​ന്‍ നെ​യ്ബാ​ണ് ടീ​മി​ന്‍റെ നാ​യ​ക​ന്‍. ഈ ​പേ​സ് നി​ര ക​ട​ലാ​സി​ല്‍ ക​രു​ത്ത​ര​ല്ലെ​ങ്കി​ലും അ​പ്ര​തീ​ക്ഷി​ത മി​ക​വ് പു​റ​ത്തെ​ടു​ക്കാ​ന്‍ ക​ഴി​വു​ള്ള​വ​രെ​ന്ന് തെ​ളി​യി​ച്ചി​ട്ടു​ണ്ട്.

ബാ​റ്റിം​ഗ് നി​ര​യി​ലേ​ക്കു നോ​ക്കി​യാ​ല്‍ ഭേ​ദ​പ്പെ​ട്ട​വ​രാ​ണെ​ന്നു പ​റ​യാം. മു​ഹ​മ്മ​ദ് ഷ​ഹ്‌​സാ​ദ്, വി​ക്ക​റ്റ്കീ​പ്പ​ര്‍ ഹ​സ്ര​ത്തു​ള്ള സ​സാ​യി, റ​ഹ്മ​ത് ഷാ, ​ഹ​ഷ്മ​ത്തു​ള്ള ഷാ​ഹി​ദി എ​ന്നി​വ​ര്‍ മി​ക​വ് പു​റ​ത്തെ​ടു​ക്കാ​ന്‍ ക​ഴി​വു​ള്ള​വ​രാ​ണ്. ഇ​വ​രെ​ക്കൂ​ടാ​തെ മി​ക​ച്ച ഓ​ള്‍റൗ​ണ്ട​ര്‍മാ​രു​ടെ നി​ര​യും ത​ക​ര്‍പ്പ​ന്‍ അ​ടി​ക​ള്‍ക്കു കെ​ല്പു​ള്ള​വ​രാ​ണ്.

മാത്തുക്കുട്ടി ടി. കൂട്ടുമ്മേൽ