ചണ്ഡിഗഡ്: പഞ്ചാബിലെ ഗുരുദാസ്പുരിൽ ബോളിവുഡ് താരം സണ്ണി ഡിയോളിനെ സ്ഥാനാർഥിയാക്കിയതിനെതിരേ അന്തരിച്ച നടനും മുൻ ബിജെപി എംപിയുമായ വിനോദ് ഖന്നയുടെ ഭാര്യ കവിത ഖന്ന രംഗത്ത്. ബിജെപി തന്നെ വഞ്ചിച്ചുവെന്നും സ്വതന്ത്രയായി മത്സരിക്കുന്ന കാര്യം പരിഗണിക്കുകയാണെന്നും കവിത പറഞ്ഞു.
നാലു തവണ വിനോദ് ഖന്ന വിജയിച്ച മണ്ഡലത്തിൽ ഇക്കുറി തന്നെ സ്ഥാനാർഥിയാക്കുമെന്നായിരുന്നു കവിത പ്രതീക്ഷിച്ചിരുന്നത്. ഏതാനും ആഴ്ചകളായി ഇവർ പൊതുയോഗങ്ങളിലും പാർട്ടി പ്രവർത്തകരുടെ യോഗങ്ങളിലും പങ്കെടുത്തുവരികയായിരുന്നു.
വിനോദ് ഖന്ന അന്തരിച്ചതിനെത്തുടർന്ന് നടന്ന ഉപതെരഞ്ഞെടുപ്പിലും കവിത സീറ്റിനായി ശ്രമിച്ചെങ്കിലും വ്യവസായിയായ സ്വരൺ സലാരിയയ്ക്കാണു സീറ്റ് ലഭിച്ചത്. എന്നാൽ, കോൺഗ്രസ് സ്ഥാനാർഥി സുനിൽ ജാഖർ 1,93,219 വോട്ടിനു സലാരിയയെ തോൽപ്പിച്ചു.
നാലു തവണ വിനോദ് ഖന്ന വിജയിച്ച മണ്ഡലത്തിൽ ഇക്കുറി തന്നെ സ്ഥാനാർഥിയാക്കുമെന്നായിരുന്നു കവിത പ്രതീക്ഷിച്ചിരുന്നത്. ഏതാനും ആഴ്ചകളായി ഇവർ പൊതുയോഗങ്ങളിലും പാർട്ടി പ്രവർത്തകരുടെ യോഗങ്ങളിലും പങ്കെടുത്തുവരികയായിരുന്നു.
വിനോദ് ഖന്ന അന്തരിച്ചതിനെത്തുടർന്ന് നടന്ന ഉപതെരഞ്ഞെടുപ്പിലും കവിത സീറ്റിനായി ശ്രമിച്ചെങ്കിലും വ്യവസായിയായ സ്വരൺ സലാരിയയ്ക്കാണു സീറ്റ് ലഭിച്ചത്. എന്നാൽ, കോൺഗ്രസ് സ്ഥാനാർഥി സുനിൽ ജാഖർ 1,93,219 വോട്ടിനു സലാരിയയെ തോൽപ്പിച്ചു.