കേരളവർമ കോളജിനു വെങ്കലം
12:11 AM Apr 15, 2019 | Deepika.com
ഇരിങ്ങാലക്കുട: ദക്ഷിണേന്ത്യൻ ബാസ്കറ്റ്ബോൾ ചാന്പ്യൻഷിപ്പിൽ തൃശൂർ ശ്രീ കേരളവർമ കോളജിന് മൂന്നാം സ്ഥാനം. മൂന്നാം സ്ഥാനക്കാർക്കുവേണ്ടിയുള്ള പോരാട്ടത്തിൽ കേരളവർമ കോളജ് തിരുവനന്തപുരം കെഎസ്ഇബിയെ കീഴടക്കി. ഇഞ്ചോടിഞ്ച് പോരാട്ടത്തിൽ 61-60നായിരുന്നു കേരളവർമ കോളജിന്റെ ജയം. മത്സരം പകുതി സമയം പിന്നിട്ടപ്പോൾ 35-23നു മുന്നിലായിരുന്നു കേരളവർമ കോളജ്. എന്നാൽ, ശക്തമായി തിരിച്ചടിച്ച കെഎസ്ഇബി മൂന്നാം ക്വാർട്ടർ അവസാനിച്ചപ്പോൾ 45-40ന്റെ ലീഡ് സ്വന്തമാക്കിയിരുന്നു.