സമാധാനത്തിന്‍റെയും സഹവര്‍ത്തിത്വത്തിന്‍റെയും പുതിയ അധ്യായം കുറിച്ച് ഫ്രാന്‍സിസ് മാര്‍പാപ്പ അബുദാബിയിലെത്തി. അറബ് മേഖലയില്‍ ചരിത്രത്തില്‍ ആദ്യമായെത്തിയ മാര്‍പാപ്പയ്ക്ക് അബുദാബി പ്രസിഡന്‍ഷ്യല്‍ വിമാനത്താവളത്തില്‍ സ്‌നേഹോഷ്മള വരവേല്‍പാണ് യുഎഇ സര്‍ക്കാര്‍ നല്‍കിയത്.
മാര്‍പാപ്പയുടെ ഗള്‍ഫ് യാത്രയ്ക്കു മുമ്പായി വത്തിക്കാനിലും അബുദാബിയിലും ഒരുപോലെ ഇന്നലെ നല്ല മഴ പെയ്ത് അന്തരീക്ഷം തെളിഞ്ഞതു ചരിത്രയാത്രയെ ശ്രദ്ധേയമാക്കിയെന്ന് വത്തിക്കാന്‍ പ്രസ് ഓഫീസ് ഡയറക്ടര്‍ അലസാന്ദ്രോ ജിസോട്ടിയും യുഎഇയിലെ ഉന്നതരും പറഞ്ഞു. ഇറ്റലിയിലെ സമയം ഉച്ചയ്ക്ക് ഒന്നിന് അലിറ്റാലിയയുടെ പ്രത്യേക വിമാനത്തില്‍ റോമിലെ ഫുമിച്ചിനോ വിമാനത്താവളത്തില്‍നിന്ന് പുറപ്പെട്ട മാര്‍പാപ്പയും സംഘവും രാത്രി പത്തിനാണ് അബുദാബി പ്രസിഡന്‍ഷ്യല്‍ വിമാനത്താവളത്തിലിറങ്ങിയത്. ഔപചാരിക സ്വീകരണത്തിനുശേഷം മാര്‍പാപ്പ വിശ്രമിക്കാനായി പോയി.
അബുദാബിയിലെ പ്രസിഡന്‍ഷ്യല്‍ കൊട്ടാരത്തില്‍ ഇന്നുച്ചയ്ക്ക് 12ന് കിരീടാവകാശിയും യുഎഇ ഉപസര്‍വസൈന്യാധിപനുമായ ഷെയ്ഖ് മുഹമ്മദ് ബിന്‍ സഈദ് അല്‍ നഹ്യാന്‍റെ നേതൃത്വത്തില്‍ ആചാരപരമായ വരവേല്‍പ് നല്‍കും. തുടര്‍ന്ന് കിരീടാവകാശിയുമായി പ്രത്യേകമാ യും തുടര്‍ന്നു രാജകുടുംബത്തിലെ ഉന്നതരും മന്ത്രിമാരുമായും മാര്‍പാപ്പ ചര്‍ച്ച നടത്തും.
വൈകുന്നേരം അഞ്ചിന് അബുദാബി ഗ്രാന്‍ഡ് മോസ്ക് സന്ദര്‍ശിക്കുന്ന ഫ്രാന്‍സിസ് പാപ്പ അവിടെവച്ച് ഇസ്‌ലാം മതപണ്ഡിതര്‍ അടങ്ങിയ മുസ്‌ലിം കൗണ്‍സില്‍ ഓഫ് എല്‍ഡേഴ്‌സ് അംഗങ്ങളുമായി കൂടിക്കാഴ്ച നടത്തും. ക്രൈസ്തവ, മുസ്‌ലിം സഹകരണവും സഹവര്‍ത്തിത്വവും കൂടുതല്‍ മെച്ചപ്പെടുത്താനുള്ള നിര്‍ദേശങ്ങള്‍ ഈ യോഗത്തില്‍ ചര്‍ച്ച ചെയ്യും.
ഗ്രാന്‍ഡ് മോസ്‌കിലെ പരിപാടികള്‍ക്കു ശേഷം അബുദാബിയിലെ ഫൗണ്ടേഴ്‌സ് മെമ്മോറിയലില്‍ നടക്കുന്ന ആഗോള മതസൗഹാര്‍ദ സമ്മേളനത്തില്‍ ഫ്രാന്‍സിസ് മാര്‍പാപ്പ മുഖ്യാതിഥിയായിരിക്കും. ഇസ്‌ലാമിക ലോകത്ത് ആരാധ്യനും ഈജിപ്തിലെ അല്‍ അസ്ഹര്‍ ഗ്രാന്‍ഡ് മോസ്ക് ഇമാമും ആയ അഹമ്മദ് എല്‍ തയേബ് അടക്കം വിവിധ മതങ്ങളുടെ പ്രതിനിധികളും മതാന്തര സമ്മേളനത്തില്‍ പങ്കെടുക്കും.
ചൊവ്വാഴ്ച രാവിലെ 10.30ന് അബുദാബി സഈദ് സ്‌പോര്‍ട്‌സ് സിറ്റി സ്റ്റേഡിയത്തിലാണ് ഫ്രാന്‍സിസ് മാര്‍പാപ്പയുടെ ദിവ്യബലിയും പ്രസംഗവും. ഇതിനു മുമ്പായി രാവിലെ 9.15ന് അബുദാബിയിലെ കത്തോലിക്കാ ദേവാലയമായ സെന്‍റ് ജോസഫ്‌സ് കത്തീഡ്രല്‍ പള്ളിയിലെത്തി മാര്‍പാപ്പ പ്രാര്‍ഥന നടത്തും.
കേരളത്തില്‍നിന്നെത്തിയ കര്‍ദിനാള്‍മാരായ മാര്‍ ജോര്‍ജ് ആലഞ്ചേരിയും മാര്‍ ബസേലിയോസ് ക്ലീമിസ് കാതോലിക്കാ ബാവയും അബുദാബിയിലെ ബിഷപ് ഡോ. പോള്‍ ഹിന്‍ഡറും മാര്‍പാപ്പയോടൊപ്പം ഉണ്ടാകും. മലയാളികളായ കത്തീഡ്രല്‍ വികാരി ഫാ. ജോണ്‍സണ്‍, സഹവികാരി ഫാ. മാര്‍ട്ടിന്‍ മന്നത്ത് എന്നിവരടങ്ങി യ സംഘമാണ് കത്തീഡ്രല്‍ സന്ദര്‍ശനത്തിന്‍റെ ഒരുക്കങ്ങള്‍ നടത്തുന്നത്.
അബുദാബിയില്‍നിന്ന് ജോര്‍ജ് കള്ളിവയലില്‍
മാര്‍പാപ്പയുടെ ഗള്‍ഫ് യാത്രയ്ക്കു മുമ്പായി വത്തിക്കാനിലും അബുദാബിയിലും ഒരുപോലെ ഇന്നലെ നല്ല മഴ പെയ്ത് അന്തരീക്ഷം തെളിഞ്ഞതു ചരിത്രയാത്രയെ ശ്രദ്ധേയമാക്കിയെന്ന് വത്തിക്കാന്‍ പ്രസ് ഓഫീസ് ഡയറക്ടര്‍ അലസാന്ദ്രോ ജിസോട്ടിയും യുഎഇയിലെ ഉന്നതരും പറഞ്ഞു. ഇറ്റലിയിലെ സമയം ഉച്ചയ്ക്ക് ഒന്നിന് അലിറ്റാലിയയുടെ പ്രത്യേക വിമാനത്തില്‍ റോമിലെ ഫുമിച്ചിനോ വിമാനത്താവളത്തില്‍നിന്ന് പുറപ്പെട്ട മാര്‍പാപ്പയും സംഘവും രാത്രി പത്തിനാണ് അബുദാബി പ്രസിഡന്‍ഷ്യല്‍ വിമാനത്താവളത്തിലിറങ്ങിയത്. ഔപചാരിക സ്വീകരണത്തിനുശേഷം മാര്‍പാപ്പ വിശ്രമിക്കാനായി പോയി.
അബുദാബിയിലെ പ്രസിഡന്‍ഷ്യല്‍ കൊട്ടാരത്തില്‍ ഇന്നുച്ചയ്ക്ക് 12ന് കിരീടാവകാശിയും യുഎഇ ഉപസര്‍വസൈന്യാധിപനുമായ ഷെയ്ഖ് മുഹമ്മദ് ബിന്‍ സഈദ് അല്‍ നഹ്യാന്‍റെ നേതൃത്വത്തില്‍ ആചാരപരമായ വരവേല്‍പ് നല്‍കും. തുടര്‍ന്ന് കിരീടാവകാശിയുമായി പ്രത്യേകമാ യും തുടര്‍ന്നു രാജകുടുംബത്തിലെ ഉന്നതരും മന്ത്രിമാരുമായും മാര്‍പാപ്പ ചര്‍ച്ച നടത്തും.
വൈകുന്നേരം അഞ്ചിന് അബുദാബി ഗ്രാന്‍ഡ് മോസ്ക് സന്ദര്‍ശിക്കുന്ന ഫ്രാന്‍സിസ് പാപ്പ അവിടെവച്ച് ഇസ്‌ലാം മതപണ്ഡിതര്‍ അടങ്ങിയ മുസ്‌ലിം കൗണ്‍സില്‍ ഓഫ് എല്‍ഡേഴ്‌സ് അംഗങ്ങളുമായി കൂടിക്കാഴ്ച നടത്തും. ക്രൈസ്തവ, മുസ്‌ലിം സഹകരണവും സഹവര്‍ത്തിത്വവും കൂടുതല്‍ മെച്ചപ്പെടുത്താനുള്ള നിര്‍ദേശങ്ങള്‍ ഈ യോഗത്തില്‍ ചര്‍ച്ച ചെയ്യും.
ഗ്രാന്‍ഡ് മോസ്‌കിലെ പരിപാടികള്‍ക്കു ശേഷം അബുദാബിയിലെ ഫൗണ്ടേഴ്‌സ് മെമ്മോറിയലില്‍ നടക്കുന്ന ആഗോള മതസൗഹാര്‍ദ സമ്മേളനത്തില്‍ ഫ്രാന്‍സിസ് മാര്‍പാപ്പ മുഖ്യാതിഥിയായിരിക്കും. ഇസ്‌ലാമിക ലോകത്ത് ആരാധ്യനും ഈജിപ്തിലെ അല്‍ അസ്ഹര്‍ ഗ്രാന്‍ഡ് മോസ്ക് ഇമാമും ആയ അഹമ്മദ് എല്‍ തയേബ് അടക്കം വിവിധ മതങ്ങളുടെ പ്രതിനിധികളും മതാന്തര സമ്മേളനത്തില്‍ പങ്കെടുക്കും.
ചൊവ്വാഴ്ച രാവിലെ 10.30ന് അബുദാബി സഈദ് സ്‌പോര്‍ട്‌സ് സിറ്റി സ്റ്റേഡിയത്തിലാണ് ഫ്രാന്‍സിസ് മാര്‍പാപ്പയുടെ ദിവ്യബലിയും പ്രസംഗവും. ഇതിനു മുമ്പായി രാവിലെ 9.15ന് അബുദാബിയിലെ കത്തോലിക്കാ ദേവാലയമായ സെന്‍റ് ജോസഫ്‌സ് കത്തീഡ്രല്‍ പള്ളിയിലെത്തി മാര്‍പാപ്പ പ്രാര്‍ഥന നടത്തും.
കേരളത്തില്‍നിന്നെത്തിയ കര്‍ദിനാള്‍മാരായ മാര്‍ ജോര്‍ജ് ആലഞ്ചേരിയും മാര്‍ ബസേലിയോസ് ക്ലീമിസ് കാതോലിക്കാ ബാവയും അബുദാബിയിലെ ബിഷപ് ഡോ. പോള്‍ ഹിന്‍ഡറും മാര്‍പാപ്പയോടൊപ്പം ഉണ്ടാകും. മലയാളികളായ കത്തീഡ്രല്‍ വികാരി ഫാ. ജോണ്‍സണ്‍, സഹവികാരി ഫാ. മാര്‍ട്ടിന്‍ മന്നത്ത് എന്നിവരടങ്ങി യ സംഘമാണ് കത്തീഡ്രല്‍ സന്ദര്‍ശനത്തിന്‍റെ ഒരുക്കങ്ങള്‍ നടത്തുന്നത്.
അബുദാബിയില്‍നിന്ന് ജോര്‍ജ് കള്ളിവയലില്‍
