ആന്‍റിഗ്വ: പ്രതാപകാലം ഓർമിപ്പിച്ച് ടെസ്റ്റ് ക്രിക്കറ്റിൽ വെസ്റ്റ് ഇൻഡീസിന്‍റെ കാലിപ്സോ സംഗീതം വീണ്ടും. ഇംഗ്ലണ്ടിനെ രണ്ടാം ടെസ്റ്റിൽ 10 വിക്കറ്റിനു തകർത്ത് വെസ്റ്റ് ഇൻഡീസ് മൂന്ന് മത്സര പരന്പര 2-0ന് ഉറപ്പിച്ചു. പത്ത് വർഷത്തിനുശേഷമാണ് വെസ്റ്റ് ഇൻഡീസ് ഇംഗ്ലണ്ടിനെതിരേ ടെസ്റ്റ് പരന്പര നേടുന്നത്. ആദ്യടെസ്റ്റിൽ വിൻഡീസ് റിക്കാർഡ് ജയം നേടിയിരുന്നു. സ്കോർ: ഇംഗ്ലണ്ട് 187, 132 വിൻഡീസ് 306, വിക്കറ്റ് നഷ്ടപ്പെടാതെ 17.
കഴിഞ്ഞ 10 ടെസ്റ്റ് സീരീസിൽ ഇംഗ്ലണ്ടിനെതിരേ രണ്ടാം തവണമാത്രമാണ് വെസ്റ്റ് ഇൻഡീസിനു പരന്പര നേടാൻ സാധിച്ചിട്ടുള്ളൂ. രണ്ടാമിന്നിംഗ്സിൽ വെറും 14 റണ്‍സ് വിജയലക്ഷ്യവുമായി ഇറങ്ങിയ ആതിഥേയർ വിക്കറ്റ് നഷ്ടം കൂടാതെ മത്സരം പൂർത്തിയാക്കി. രണ്ട് ഇന്നിംഗ്സിലും നാലു വിക്കറ്റ് വീതം വീഴ്ത്തിയ വിൻഡീസിന്‍റെ പേസർ കെമർ റോച്ച് ആണ് മാൻ ഓഫ് ദ മാച്ച്.
വിൻഡീസ് പ്രതാപം വീണ്ടും
12:11 AM Feb 04, 2019 | Deepika.com