മംഗളൂരു: മംഗളൂരുവിൽ തുടക്കമിട്ട് ബംഗളൂരു ആസ്ഥാനമായി പ്രവർത്തിക്കുന്ന വിജയ ബാങ്കിനെ ഗുജറാത്ത് ആസ്ഥാനമായ ബാങ്ക് ഓഫ് ബറോഡയുമായി ലയിപ്പിക്കാനുള്ള കേന്ദ്രസർക്കാർ നീക്കത്തിനെതിരേ ശക്തമായ പ്രതിഷേധവുമായി കോണ്ഗ്രസ് രംഗത്ത്.
ലയനതീരുമാനത്തിൽ പ്രതിഷേധിച്ച് കോണ്ഗ്രസ് എംഎൽസി ഐവാൻ ഡിസൂസ ഇന്ന് മംഗളൂരുവിൽ ഉപവാസം നടത്തും. പത്തിന് മംഗളൂരുവിൽ ബന്ദ് ആചരിക്കുമെന്ന് ദക്ഷിണ കന്നഡ ജില്ലാ യൂത്ത് കോണ്ഗ്രസ് അധ്യക്ഷൻ മിഥുൻ റായ് അറിയിച്ചു. പത്തിന് വിജയാബാങ്കിന്‍റെ എല്ലാ ശാഖകൾക്കുമുന്നിലും ജീവനക്കാരെ സംഘടിപ്പിച്ച് പ്രതിഷേധപരിപാടികൾ നടത്താനും കോണ്ഗ്രസ് തീരുമാനിച്ചിട്ടുണ്ട്.
കേന്ദ്രസർക്കാരും ദക്ഷിണകന്നഡ എംപി നളിൻകുമാറും ജില്ലയിലെ ജനങ്ങളെ വഞ്ചിച്ചിരിക്കുകയാണെന്നും ലാഭത്തിലുള്ള ബാങ്കിനെ തട്ടിയെടുത്ത് നഷ്ടത്തിൽ പ്രവർത്തിക്കുന്ന ബാങ്ക് ഓഫ് ബറോഡയുമായി ലയിപ്പിക്കുകയാണെന്നും യൂത്ത് കോൺഗ്രസ് ജില്ലാ പ്രസിഡന്‍റ് മിഥുൻ റായ് മംഗളൂരുവിൽ പത്രസമ്മേളനത്തിൽ ആരോപിച്ചു.
വിജയാ ബാങ്കിനൊപ്പം ദേനാ ബാങ്കും ബാങ്ക് ഓഫ് ബറോഡയുമായി ലയിപ്പിക്കാനാണ് തീരുമാനം. 1931 ഒക്ടോബർ 23ന് വിജയദശമി ദിനത്തിൽ എ.ബി. ഷെട്ടിയുടെ നേതൃത്വത്തിൽ ദക്ഷിണ കന്നഡ, ഉഡുപ്പി ജില്ലകളിലെ കർഷകർ ചേർന്നാണ് മംഗളൂരുവിൽ വിജയാ ബാങ്ക് ആരംഭിച്ചത്.
ലയനതീരുമാനത്തിൽ പ്രതിഷേധിച്ച് കോണ്ഗ്രസ് എംഎൽസി ഐവാൻ ഡിസൂസ ഇന്ന് മംഗളൂരുവിൽ ഉപവാസം നടത്തും. പത്തിന് മംഗളൂരുവിൽ ബന്ദ് ആചരിക്കുമെന്ന് ദക്ഷിണ കന്നഡ ജില്ലാ യൂത്ത് കോണ്ഗ്രസ് അധ്യക്ഷൻ മിഥുൻ റായ് അറിയിച്ചു. പത്തിന് വിജയാബാങ്കിന്‍റെ എല്ലാ ശാഖകൾക്കുമുന്നിലും ജീവനക്കാരെ സംഘടിപ്പിച്ച് പ്രതിഷേധപരിപാടികൾ നടത്താനും കോണ്ഗ്രസ് തീരുമാനിച്ചിട്ടുണ്ട്.
കേന്ദ്രസർക്കാരും ദക്ഷിണകന്നഡ എംപി നളിൻകുമാറും ജില്ലയിലെ ജനങ്ങളെ വഞ്ചിച്ചിരിക്കുകയാണെന്നും ലാഭത്തിലുള്ള ബാങ്കിനെ തട്ടിയെടുത്ത് നഷ്ടത്തിൽ പ്രവർത്തിക്കുന്ന ബാങ്ക് ഓഫ് ബറോഡയുമായി ലയിപ്പിക്കുകയാണെന്നും യൂത്ത് കോൺഗ്രസ് ജില്ലാ പ്രസിഡന്‍റ് മിഥുൻ റായ് മംഗളൂരുവിൽ പത്രസമ്മേളനത്തിൽ ആരോപിച്ചു.
വിജയാ ബാങ്കിനൊപ്പം ദേനാ ബാങ്കും ബാങ്ക് ഓഫ് ബറോഡയുമായി ലയിപ്പിക്കാനാണ് തീരുമാനം. 1931 ഒക്ടോബർ 23ന് വിജയദശമി ദിനത്തിൽ എ.ബി. ഷെട്ടിയുടെ നേതൃത്വത്തിൽ ദക്ഷിണ കന്നഡ, ഉഡുപ്പി ജില്ലകളിലെ കർഷകർ ചേർന്നാണ് മംഗളൂരുവിൽ വിജയാ ബാങ്ക് ആരംഭിച്ചത്.
