ഇന്ത്യൻ ടീം പുറപ്പെട്ടു
11:17 PM Nov 16, 2018 | Deepika.com
ന്യൂഡൽഹി: ഓസ്ട്രേലിയൻ പര്യടനത്തിനായി ഇന്ത്യൻ ക്രിക്കറ്റ് ടീം യാത്രതിരിച്ചു. മൂന്ന് ട്വന്റി-20യും നാല് ടെസ്റ്റും മൂന്ന് ഏകദിനവുമാണ് ഇന്ത്യ ഓസ്ട്രേലിയയിൽ കളിക്കുക. ബുധനാഴ്ച ആദ്യ ട്വന്റി-20യോടെ പരന്പരയ്ക്ക് തുടക്കമാകും. ഓസ്ട്രേലിയയിൽ ഇന്ത്യ ഇതുവരെ ടെസ്റ്റ് പരന്പര സ്വന്തമാക്കിയിട്ടില്ല. ഡിസംബർ ആറിനാണ് ആദ്യ ടെസ്റ്റ്. വിരാട് കോഹ്ലി പറയുന്നതെല്ലാം അംഗീകരിക്കുന്ന പരിശീലകനാണ് രവി ശാസ്ത്രി എന്ന വിമർശനം ഇന്ത്യൻ ക്യാപ്റ്റൻ തള്ളി. ക്രിക്കറ്റിൽ ഏറ്റവും അധികം എന്നോട് നോ എന്നു പറഞ്ഞത് ശാസ്ത്രിയാണ് - കോഹ് ലി പറഞ്ഞു.