പ്രൊവിഡൻസ്: ഐസിസി വനിതാ ലോകകപ്പ് ട്വന്റി-20 ക്രിക്കറ്റിൽ ഗ്രൂപ്പ് ബിയിൽ അയർലൻഡിനെതിരേ നിശ്ചിത ഓവറിൽ ഇന്ത്യ 145 റണ്സ് എടുത്തു. ആറ് വിക്കറ്റ് നഷ്ടത്തിലാണ് ഇന്ത്യൻ ഇന്നിംഗ്സ്. 56 പന്തിൽ 51 റണ്സ് നേടിയ ഓപ്പണർ മിതാലി രാജ് ആണ് ഇന്ത്യൻ ഇന്നിംഗ്സിലെ ടോപ് സ്കോറർ. നാല് ഫോറും ഒരു സിക്സും മിതാലി നേടി.
സ്മൃതി മന്ദാന-മിതാലി ഓപ്പണിംഗ് വിക്കറ്റ് കൂട്ടുകെട്ടിൽ 67 റണ്സ് പിറന്നു. സ്മൃതി 29 പന്തിൽ ഒരു സിക്സും നാല് ഫോറും അടക്കം 33 റണ്സ് എടുത്തു. ജമൈമ റോഡ്രിഗസ് 11 പന്തിൽ 18 റണ്സ് എടുത്ത് പുറത്തായി. ക്യാപ്റ്റൻ ഹർമൻപ്രീത് കൗറിന് മൂന്ന് പന്തിൽ ഏഴ് റണ്സ് നേടാനേ സാധിച്ചുള്ളൂ. ഏഴ് പന്തിൽ 11 റണ്സുമായി ദീപ്തി ശർമ പുറത്താകാതെനിന്നു. മറുപടി ബാറ്റിംഗിനിറങ്ങിയ അയർലൻഡ് ആറ് ഓവറിൽ ഒരു വിക്കറ്റ് നഷ്ടത്തിൽ 30 റൺസ് എടുത്തിട്ടുണ്ട്.
ഇന്ത്യക്ക് 145 റൺസ്
12:19 AM Nov 16, 2018 | Deepika.com