ലണ്ടന്: മെസ്യൂട്ട് ഓസില് പ്ലേ മേക്കറുടെ റോള് ഗംഭീരമാക്കിയപ്പോള് ആഴ്സണലിന് തകര്പ്പന് ജയം. സ്വന്തം എമിറേറ്റ്സ് സ്റ്റേഡിയത്തില് ആഴ്സണല് 3-1ന്് ലെസ്റ്റര് സിറ്റിയെ പരാജയപ്പെടുത്തി. ഒരു ഗോളിനു പിന്നില്നിന്നശേഷമാണ് ആഴ്സണലിന്റെ വിജയത്തിലേക്കുള്ള തിരിച്ചുവരവ്. 2007ല് വിവിധ മത്സരങ്ങളില് തുടര്ച്ചയായി 12 ജയം നേടയശേഷം ആദ്യമായാണ് ആഴ്സണല് തുടര്ച്ചയായി 10 കളിയില് ജയിക്കുന്നത്.
31-ാം മിനിറ്റില്ബെന് ചില്വെലിന്റെ ക്രോസ് ആഴ്സണലിന്റെ ഹെക്ടര് ബെല്ലേറിന്റെ കാലില് തട്ടി സെല്ഫ് ഗോൾ പിറന്നു. 45-ാം മിനിറ്റില് ഓസിൽ സമനില ഗോള് നേടി. 63-ാം മിനിറ്റില് ആഴ്സണല് ലീഡ് നേടി. ഓസിലിന്റെ മികവിലായിരുന്നു ഗോൾ. ഔബമെയാംഗ് അനായാസം പന്ത് വലയിലാക്കി. മൂന്നു മിനിറ്റിനുള്ളില് ആഴ്സണല് ഔബമെയാംഗിലൂടെ മൂന്നാം ഗോള് നേടി. ഓസിലായിരുന്നു വഴിയൊരുക്കിയത്.
ഓസിൽ മിന്നി, ആഴ്സണലും
12:55 AM Oct 24, 2018 | Deepika.com