ന്യൂയോർക്ക്: യുഎസ് സ്റ്റേറ്റ് സെക്രട്ടറി മൈക്ക് പോംപിയോ അടുത്തമാസം ഉത്തരകൊറിയൻ തലസ്ഥാനമായ പ്യോംഗ്യാംഗിലെത്തും. നിർദിഷ്ട രണ്ടാം ട്രംപ്- കിം ഉച്ചകോടിയെക്കുറിച്ചു ചർച്ച ചെയ്യുകയാണു ലക്ഷ്യം. കിമ്മിന്‍റെ ക്ഷണ പ്രകാരമാണ് പ്യോംഗ്യാംഗിലേക്ക് പോംപിയോ പോകുന്നതെന്നു സ്റ്റേറ്റ് ഡിപ്പാർട്ടുമെന്‍റ് വക്താവ് ഹെതർ ന്യൂയർട്ട് പറഞ്ഞു.ഉത്തരകൊറിയൻ വിദേശമന്ത്രി റി യോംഗ് ഹോയുമായി ഇന്നലെ താൻ നടത്തിയ കൂടിക്കാഴ്ച ഫലപ്രദമായിരുന്നെന്ന് പോംപിയോ പറഞ്ഞു.
