ലിസ്റ്റ് എ ക്രിക്കറ്റിൽ ജാർഖണ്ഡിന്റെ സ്പിന്നർ ഷഹ്ബാസ് നദീം ലോക റിക്കാർഡ് കുറിച്ചു. പത്ത് ഓവറിൽ പത്ത് റണ്സ് വഴങ്ങി എട്ട് വിക്കറ്റ് വീഴ്ത്തിയാണ് നധീം റിക്കാർഡ് സ്വന്തം പേരിലാക്കിയത്. രണ്ട് പതിറ്റാണ്ട് പഴക്കമുള്ള റിക്കാർഡ് ആണ് താരം തകർത്തത്.
വിജയ് ഹസാരെ ട്രോഫി ക്രിക്കറ്റിൽ രാജസ്ഥാനെതിരായ മത്സരത്തിലായിരുന്നു നദീമിന്റെ മിന്നും പ്രകടനം. 1997-98 സീസണിൽ ഡൽഹിയുടെ ഇടംകൈ സ്പിന്നർ രാഹുൽ സാംഘ്വി 15 റണ്സിന് എട്ട് വിക്കറ്റ് വീഴ്ത്തിയതായിരുന്നു ഇതുവരെയുണ്ടായിരുന്ന റിക്കാർഡ്.
28.3 ഓവറിൽ രാജസ്ഥാൻ 73 റണ്സിന് പുറത്തായി. 10-4-10-8 എന്നതായിരുന്നു നദീമിന്റെ ബൗളിംഗ് നിരക്ക്. മത്സരത്തിൽ ജാർഖണ്ഡ് ഏഴ് വിക്കറ്റ് ജയം നേടി. ഹാട്രിക്ക് ഉൾപ്പെടെയായിരുന്നു നദീമിന്റെ എട്ട് വിക്കറ്റ് പ്രകടനം.
ഷഹ്ബാസ് നദീമിനു ലോക റിക്കാർഡ്
12:11 AM Sep 21, 2018 | Deepika.com