ലണ്ടൻ: ലോകകപ്പിൽ റഷ്യക്കായി മികച്ച പ്രകടനം കാഴ്ചവച്ച അലക്സാണ്ടർ ഗോളോ വിൻ ഇംഗ്ലീഷ് പ്രീമിയർ ലീഗ് ക്ലബ്ബായ ചെൽസിയിലേക്കെന്ന് സൂചന. കഴിഞ്ഞ നാല് വർഷമായി സിഎസ്കഐ മോസ്കോയുടെ താരമാണ് ഗോളോവിൻ. 81 മത്സരങ്ങളിലായി ഒന്പത് ഗോളും നേടിയിട്ടുണ്ട്. ഇംഗ്ലീഷ് ക്ലബ് ചെൽസിയുമായി ഗോളോവിൻ കരാറിലായതായി റിപ്പോർട്ടുണ്ട്. മെഡിക്കൽ കഴിഞ്ഞാൽ ഗോളോവിൻ ചെൽസിയുടെ നീലക്കുപ്പായത്തിലേക്ക് ചേക്കേറുമെന്നാണ് സൂചന. എന്നാൽ, ട്രാൻസ്ഫർ തുക വെളിപ്പെടുത്തിയിട്ടില്ല. ഇംഗ്ലീഷ് ക്ലബ്ബായ ആഴ്സണലും ഇറ്റാലിയൻ ക്ലബ് യുവന്‍റസും റഷ്യൻ മധ്യനിരത്താരത്തിനായി രംഗത്തുണ്ടായിരുന്നു.
ലോകകപ്പിൽ റഷ്യക്കായി നാല് മത്സരങ്ങൾ കളിച്ച ഗോളോവിൻ ഒരു ഗോൾ നേടിയിരുന്നു, മൂന്ന് ഗോൾ ശ്രമവും നടത്തി. രണ്ട് അസിസ്റ്റും ഉണ്ടായിരുന്നു. ഗോളോവിന്‍റെ മധ്യനിരയിലെ കഠിനാധ്വാന ശീലമാണ് ക്ലബ്ബുകളെ ആകർഷിച്ചത്. ആഴ്സണൽ, ചെൽസി, യുവന്‍റസ് ക്ലബ്ബുകളും ഗോളോവിന്‍റെ പിന്നാലെ യുണ്ടായിരുന്നു.
ഗോളോവിൻ ചെൽസിയിലേക്ക്
12:59 AM Jul 18, 2018 | Deepika.com