എൻ.എസ്. ശരണ്യ ഇന്ത്യൻ വോളി ടീമിൽ
12:59 AM Jul 18, 2018 | Deepika.com
കോട്ടയം: ദക്ഷിണാഫ്രിക്കയിൽ 17 മുതൽ 22 വരെ നടക്കുന്ന ബ്രിക്സ് ഗെയിംസിൽ പങ്കെടുക്കുന്ന ഇന്ത്യൻ വോളിബോൾ ടീമിലേക്ക് എൻ.എസ്.ശരണ്യ തെരഞ്ഞെടുക്കപ്പെട്ടു. ചങ്ങനാശേരി അസംപ്ഷൻ കോളജ് ഒന്നാം വർഷ ബിരുദാന്തര ബിരുദ വിദ്യാർഥിനിയാണ്. സംസ്ഥാന സീനിയർ വോളി ടീമിലും എംജി വാഴ്സിറ്റി ടീമിലും അംഗമാണ്. സ്പോർട്സ് കൗൺസിൽ പരിശീലകനായ വി. അനിൽകുമാറിനു കീഴിൽ പരിശീലനം നേടിവരുന്നതിനിടയിലാണ് ഇന്ത്യൻ ടീമിലേക്കുള്ള സെലക്ഷൻ. അസംപ്ഷനിൽനിന്ന് കഴിഞ്ഞ രണ്ടു വർഷത്തിനിടെ ഇന്ത്യൻ ടീമിലെത്തിയ മൂന്നാമത്തെ താരമാണ് ശരണ്യ.