മോസ്കോ: അർജന്റൈൻ താരം ലയണൽ മെസിയിൽനിന്ന് ജഴ്സി വാങ്ങാൻ ആഗ്രഹിച്ചുവെങ്കിലും പിന്നെയതു വേണ്ടെന്നുവയ്ക്കുകയായിരുന്നുവെന്ന് ക്രൊയേഷ്യൻ സ്ട്രൈക്കർ ആന്റെ റെബിച്ച്. അർജന്റീനയ്ക്കെതിരേയുള്ള മത്സരത്തിൽ ക്രൊയേഷ്യയുടെ ആദ്യ ഗോൾ റെബിച്ചിന്റെ വകയായിരുന്നു.
അർജന്റൈൻ ടീമിന്റെ പ്രവൃത്തി വിഷമിപ്പിച്ചുവെന്നും റെബിച്ച് പറഞ്ഞു. സത്യം പറഞ്ഞാൽ എനിക്കു മെസിയുടെ ജഴ്സി വേണമായിരുന്നു, കാരണം എന്റെ കൂട്ടുകാരൻ അദ്ദേഹത്തിന്റെ ആരാധകനാണ്. എന്നാൽ, അർജന്റീനക്കാർ ഒന്നടങ്കം മോശം പെരുമാറ്റത്തിലൂടെ മതിപ്പ് ഇല്ലാതാക്കി. ഇതുകൊണ്ടാണ് ജഴ്സി ചോദിക്കുന്നത് വേണ്ടെന്നുവച്ചത്- റെബിച്ച് പറഞ്ഞു.
മെസിയുടെ ജഴ്സി വേണ്ടെന്നുവച്ചു: റെബിച്ച്
01:43 AM Jun 24, 2018 | Deepika.com